陳景生：鄭若驊僭建或涉行騙

【蘋果日報】【律政司長知法犯法】新任律政司司長鄭若驊獲特首林鄭月娥批准，履新後仍可處理原有6宗仲裁案件，大律師公會前主席、資深大律師陳景生（圖）認為做法不理想，並透露前律政司司長袁國強上任前亦曾辭任仲裁員，指政府應及早披露鄭若驊仍然有仲裁案件要處理，陳景生更認為在住宅僭建一事上，現時有的資料對鄭若驊非常不利，且有可能涉嫌行騙。
批評上任後仍處理仲裁
鄭若驊履新之際不單爆出僭建風波，更獲特首林鄭「厚待」，准許她處理手頭原有的6宗仲裁案件，雖然林鄭指有關收入會用作慈善用途，但外界質疑有利益衝突。陳景生接受now新聞台《大鳴大放》節目訪問時指出，袁國強當年上任時，亦與鄭若驊面對相同情況，但處理方法卻截然不同：「嗰宗（仲裁）案件我自己親身處理，（我）作為律師處理，咁袁國強處理到一半嘅時候，就因為佢要做律政司司長，所以辭咗（仲裁員），由另一個人代替佢。」
陳景生直指，較理想的做法是鄭若驊上任時辭任一切案件的跟進工作，「如果你係實行咗律政司司長職務嘅時候，就應該全心全意咁做」，他質疑特區政府是否有如此急切的需求，「佢（鄭若驊）遲啲返工都唔得㗎呢？」，並認為特區政府應一早向公眾作出說明，指明鄭上任司長時仍有案件要處理。
至於鄭若驊被揭住所有僭建，且當年交給銀行的按揭文件沒有交代大宅有地庫，陳景生認為現有資料對鄭非常不利，有可能涉嫌行騙，「用唔忠實或有誤導性嘅文件嘅話，咁呢樣嘢嘅後果就嚴重好多」，他解釋稱：「因為律政司一個最重要嘅角色，係衡量起唔起訴同作唔作呢方面嘅調查，所以喺呢方面、喺佢應唔應該作為律政司司長嚟講，我嘅睇法係，比起買咗一間有僭建嘅屋，（事態）更加嚴重」。不少市民要求鄭若驊辭職，陳景生坦言事件已影響公眾對鄭若驊的信任，強調如果是外國的政治人物，就算被揭的醜聞與工作無直接關係，都會選擇辭職。
行會召集人陳智思昨出席公開活動時指出，律政司司長是香港法律的把關者，希望鄭若驊盡快處理寓所僭建問題：「雖然佢可能喺佢嘅專業（方面）好成功，但入到政府其實係兩回事，公眾對佢嘅要求都係兩回事，有時未必係犯法同唔犯法嘅問題，而係大家對佢嘅期望，我希望鄭司長盡快處理問題，令公眾重拾對佢嘅信心。」
■記者許偉賢