議員斥陳帆缺席帳委會

【蘋果日報】審計報告早前踢爆海事處採購政府船隻進度緩慢，立法會帳委會昨公開聆訊，但運輸及房屋局局長陳帆缺席引起議員不滿，主席石禮謙更一度提出取消會議，但最終以顧及行政立法關係為由作罷。
石禮謙一度提取消會議
石禮謙開始會議時，即向代為出席的運房局副局長蘇偉文稱：「幫我問候吓局長好唔好？話我哋好想見到佢但見唔到佢，同我哋拜年。」公共專業聯盟梁繼昌追問「局長喺邊」，蘇指陳身在香港，「但佢有其他事務engage（處理）緊，同埋上次都係我代表局方帶領同事嚟到呢個會議」。多名議員拒「收貨」，梁繼昌直指當局必須交代陳缺席原因，「有乜緊要得過呢個會議？我哋對局長係有期望嘅！」民建聯何俊賢亦要求蘇小心解釋，「呢個唔係普通嘅事務委員會，係帳目委員會」。
石稱根據過往慣例，局長必須出席帳委會的公開聆訊，帳委會雖接受陳上次外訪缺席，但「佢負責呢個局，要了解到個局出咗問題，要監管呢啲機構」。石一度建議取消會議，待陳有空時重開，但最終為免浪費出席官員時間，繼續聆訊，並指會親自致電陳要求他出席下次聆訊。運房局新聞秘書回覆指，陳帆昨早要出席政府高層的內部會議，對引起議員不滿感抱歉，並承諾定必出席下次公開聆訊。
昨日聆訊中，民主黨林卓廷關注警方一艘高速船在預防性保養後不足兩個月便滲水，海事處總經理（政府船塢）陳銘佑證實，高速船冷卻器有「半隻雞蛋咁大」的螺絲脫落導致滲水。陳指該螺絲屬固定配件，不屬預防性保養範圍，初步懷疑配件物料與過往不同而提早銹蝕。
■記者羅繼盛