新聞類別
港聞
詳情#
【蘋果日報】雨傘運動至今3周年，政府口中的和解，在2017年，卻淪作進一步的撕裂。今年8月，13名反東北示威者及雙學三子，接連被上訴庭改判入獄，為社會公義走到最前線，最終卻成階下囚。在東北案中被重判13個月的林朗彥，是其中之一。上月獲准保釋候審，難得再次享受自由空氣，他更關心的卻是香港每下愈況的政治形勢：「打壓越嚟越厲害，但你睇到林鄭嘅民望創新高，呢種挫敗感，比入獄受打壓更大。」
收舊同學信窩心
訪問在香港眾志位於葵涌的會址，入獄3個月，體重暴跌逾16公斤，眼前的林朗彥，明顯清減不少，他保釋後就在面書上載了一張腰圍大縮水的相片。「監獄啲嘢食係唔好食，乘機當減肥」。他微笑，仍是一貫的淡定。政治動盪，在社運界，情緒大起大落是常態，在眾志負責文宣及設計的他，卻以樂觀和情緒平穩見稱。就是入獄，他亦適應得特別快。
「我喺飯堂負責清潔碗碟，獄友都對我唔錯，佢哋未必好了解，但大家都有機會傾吓偈」。大抵，努力讓原本不理解的人理解，也是溫柔抗爭的一種吧？只是，說得再雲淡清風都好，林朗彥直言參與社運成本日高，被重判是始料不及，「都預計會判監，當時律師話最壞打算係半年」。震驚過後收拾心情，一邊與律師商量申請上訴，在獄中不想浪費時間，每日運動看書。
「喺獄中睇咗劉曉波嘅《末日倖存者的獨白》，六四後佢重新質問自己，好適合運動組織者睇，行少啲冤枉路」。反東北案中13人被判囚，其中8人包括林朗彥申請保釋，他直言考慮保釋與否亦經過深思熟慮。「其實都會擔心再入去要重新適應，但真係好想喺呢個關鍵時刻，可以同大家一齊打選戰、一齊慶祝眾志黨慶」。受訪當天，保釋只個幾星期，一直飯局不斷，他說見舊朋友；且又在超級月亮出現當晚，與社運女友黃莉莉一邊賞月、一邊食就過期的月餅，都很難忘。
「係好即興，佢喺雪櫃搵到個月餅，批個梨就上咗天台賞月」。珍惜共聚的時光，畢竟，可呼吸自由空氣非理所當然。「今次入獄，係有好多抽象嘅禮物，譬如喺獄中，收到以前中學同學同老師嘅信，係好窩心」。自2012年因反國教投身社運，林直言已極少與中學同學聯絡。「一直覺得大家經歷好唔同，保釋之後反而有機會食飯見面，有啲畢業就面對失業，我冇畢業但又好彩冇失業（在眾志工作），大家行緊截然不同嘅路，但我發覺彼此嘅距離，其實冇想像咁大」。
事實上，反國教一役改變了很多人命運，包括林朗彥和黃之鋒。「我同之鋒都喺匯基讀書，一齊組過莊上學生會」。中學學生會大都關注「小食部有冇咖喱魚蛋賣」一類福利問題，他倆卻要求學校有民主牆和自決飯堂供應商，只是行得前不代表有市場，兩個民主根早種的早熟少年結果敗陣；其時，席捲全港的反洗腦國教運動，卻適時成了他倆，也是一代關心社會少年的政治啟蒙，成為以行動實踐想法起點。
笑黃之鋒如榴槤
由一同創辦學民思潮，到組織成立香港眾志；又由咪高峯前的召集人，到退居幕後處理文宣工作出謀獻策，甚至在高壓政治下成為階下囚，只6年，這少年從政之路越走越艱難。林朗彥直言，學民思潮的出現，對於他以至香港，都是重要的里程碑。「當年市民對學民的觀感好好……」只是隨着時日過去，學民變了今日的眾志，多年來一直站在鎂光燈下的黃之鋒，外界對他的要求亦大不同。
一度退出學民的林朗彥笑言之鋒是不少人眼中的榴槤，承認合作多年衝突難免，有段時間亦因關注路向不同而分道揚鑣，但一場傘運又將他們連在一起。「經過磨合，今日嘅眾志，係成熟嘅組合」。成員聯擊緊密，分工清晰，還看2017，修訂議事規則、23條立法步步進逼，早作再入獄準備的林，直言一場仗更難打：「你睇到林鄭嘅民望創新高，呢種挫敗感，比入獄受打壓更大。」在穩陣保守的社會氣氛下，如何走出社運圈，有效接通群眾引發關注和共鳴，他說是來年需認真思考的重要問題之一。
■記者呂麗嬋
收舊同學信窩心
訪問在香港眾志位於葵涌的會址，入獄3個月，體重暴跌逾16公斤，眼前的林朗彥，明顯清減不少，他保釋後就在面書上載了一張腰圍大縮水的相片。「監獄啲嘢食係唔好食，乘機當減肥」。他微笑，仍是一貫的淡定。政治動盪，在社運界，情緒大起大落是常態，在眾志負責文宣及設計的他，卻以樂觀和情緒平穩見稱。就是入獄，他亦適應得特別快。
「我喺飯堂負責清潔碗碟，獄友都對我唔錯，佢哋未必好了解，但大家都有機會傾吓偈」。大抵，努力讓原本不理解的人理解，也是溫柔抗爭的一種吧？只是，說得再雲淡清風都好，林朗彥直言參與社運成本日高，被重判是始料不及，「都預計會判監，當時律師話最壞打算係半年」。震驚過後收拾心情，一邊與律師商量申請上訴，在獄中不想浪費時間，每日運動看書。
「喺獄中睇咗劉曉波嘅《末日倖存者的獨白》，六四後佢重新質問自己，好適合運動組織者睇，行少啲冤枉路」。反東北案中13人被判囚，其中8人包括林朗彥申請保釋，他直言考慮保釋與否亦經過深思熟慮。「其實都會擔心再入去要重新適應，但真係好想喺呢個關鍵時刻，可以同大家一齊打選戰、一齊慶祝眾志黨慶」。受訪當天，保釋只個幾星期，一直飯局不斷，他說見舊朋友；且又在超級月亮出現當晚，與社運女友黃莉莉一邊賞月、一邊食就過期的月餅，都很難忘。
「係好即興，佢喺雪櫃搵到個月餅，批個梨就上咗天台賞月」。珍惜共聚的時光，畢竟，可呼吸自由空氣非理所當然。「今次入獄，係有好多抽象嘅禮物，譬如喺獄中，收到以前中學同學同老師嘅信，係好窩心」。自2012年因反國教投身社運，林直言已極少與中學同學聯絡。「一直覺得大家經歷好唔同，保釋之後反而有機會食飯見面，有啲畢業就面對失業，我冇畢業但又好彩冇失業（在眾志工作），大家行緊截然不同嘅路，但我發覺彼此嘅距離，其實冇想像咁大」。
事實上，反國教一役改變了很多人命運，包括林朗彥和黃之鋒。「我同之鋒都喺匯基讀書，一齊組過莊上學生會」。中學學生會大都關注「小食部有冇咖喱魚蛋賣」一類福利問題，他倆卻要求學校有民主牆和自決飯堂供應商，只是行得前不代表有市場，兩個民主根早種的早熟少年結果敗陣；其時，席捲全港的反洗腦國教運動，卻適時成了他倆，也是一代關心社會少年的政治啟蒙，成為以行動實踐想法起點。
笑黃之鋒如榴槤
由一同創辦學民思潮，到組織成立香港眾志；又由咪高峯前的召集人，到退居幕後處理文宣工作出謀獻策，甚至在高壓政治下成為階下囚，只6年，這少年從政之路越走越艱難。林朗彥直言，學民思潮的出現，對於他以至香港，都是重要的里程碑。「當年市民對學民的觀感好好……」只是隨着時日過去，學民變了今日的眾志，多年來一直站在鎂光燈下的黃之鋒，外界對他的要求亦大不同。
一度退出學民的林朗彥笑言之鋒是不少人眼中的榴槤，承認合作多年衝突難免，有段時間亦因關注路向不同而分道揚鑣，但一場傘運又將他們連在一起。「經過磨合，今日嘅眾志，係成熟嘅組合」。成員聯擊緊密，分工清晰，還看2017，修訂議事規則、23條立法步步進逼，早作再入獄準備的林，直言一場仗更難打：「你睇到林鄭嘅民望創新高，呢種挫敗感，比入獄受打壓更大。」在穩陣保守的社會氣氛下，如何走出社運圈，有效接通群眾引發關注和共鳴，他說是來年需認真思考的重要問題之一。
■記者呂麗嬋
留言 (0)
