新聞類別
港聞
詳情#
【蘋果日報】本年諾貝爾物理學獎得主是印證重力波的美國學者，其研究團隊有中文大學八十後學者黎冠峰的身影。在香港出世、荷蘭長大，赴英美攻讀物理的黎冠峰，在外國「放學就玩」，兩年前之所以回流香港，是要證明給港人看，培育創科人才不應側重考試操練，「我懶，我都成功做到教授」。對香港學生來說，「放空」是種奢侈，卻是創意泉源。
三十出頭的黎冠峰，4歲與父母移民荷蘭，先後在英國、荷蘭、美國攻讀大學、博士及從事博士後，現時為中大物理系研究助理教授；平日他在教學與研究的時間是三七之比，其中一項研究工作，就是探測重力波的「激光干涉儀重力波觀測站」（LIGO）。
向黎冠峰請教物理學日常，他指着白板上密麻麻的算式，「我哋係計數，驗證結果」，看似沉悶，在他眼內卻是無盡可能，「就好似我細個睇好多書，講宇宙、講星，都會覺得太空好神秘，會成日諗呢個宇宙仲有冇第二啲嘢」。如今回首，兒時的他從未想過科學可以是「專業」，中學時甚至擔憂讀物理「出嚟唔知做乜」，「但我好好彩，好友爸爸係物理教授，佢同我講佢有學生做投資銀行、幫石油公司計數……我嗰時先知，讀物理唔一定做教授，原來都有公司請」。
創科教育須放空
黎冠峰最終赴美攻讀物理系博士，在麻省理工學院實習時遇上今屆諾貝爾物理獎得主雷納．韋斯（Rainer Weiss），另一次實習則到大型顧問公司，「主要係幫公司計數，諗點減少成本、計點慳錢、可以炒幾多人」。最終他還是覺得未知的宇宙較吸引，選擇投身重力波研究。
黎完成博士後工作，原有英、美工作機會，惟最終回流香港，希望到此尋根、回饋社會，「都希望做個例子畀大家睇，就好似我喺荷蘭讀書，其實好輕鬆，中、小學冇功課，一返屋企就掟低書包，拎住個波出去玩」；再加上荷蘭大學選科限制少，更有抽籤機制，「成績唔好都可以有機會入到心儀科目」，壓力不如香港般一試定生死，當年黎媽媽曾嘲諷他，「佢直頭話如果我喺香港讀書，肯定入唔到大學」。
「我就係想返嚟，話畀大家聽，我懶，我都成功做到教授」。黎冠峰希望香港學生看見考試以外的可能，「其實只要畀啲自由學生、畀啲空間佢哋，好似我咁，佢哋一樣可以讀得好好；成功，唔一定要逼先可以」。他亦強調創科教育正是需要這種「空」，「要有多啲空間畀學生自己諗，佢哋先會有自己嘅creative thinking（創意思維）」。
眼見香港科研發展遲緩，港大也取消天文、數學及物理主修，黎對此不表認同，「少學生去讀唔等於唔重要，如果真係要咁，仲可以極端啲，只開法律、醫學、BBA（工商管理）、金融之類，取消晒中文、歷史……我諗，對於開科是否只為錢，始終都係要有個分界」。
■記者葉偉東
三十出頭的黎冠峰，4歲與父母移民荷蘭，先後在英國、荷蘭、美國攻讀大學、博士及從事博士後，現時為中大物理系研究助理教授；平日他在教學與研究的時間是三七之比，其中一項研究工作，就是探測重力波的「激光干涉儀重力波觀測站」（LIGO）。
向黎冠峰請教物理學日常，他指着白板上密麻麻的算式，「我哋係計數，驗證結果」，看似沉悶，在他眼內卻是無盡可能，「就好似我細個睇好多書，講宇宙、講星，都會覺得太空好神秘，會成日諗呢個宇宙仲有冇第二啲嘢」。如今回首，兒時的他從未想過科學可以是「專業」，中學時甚至擔憂讀物理「出嚟唔知做乜」，「但我好好彩，好友爸爸係物理教授，佢同我講佢有學生做投資銀行、幫石油公司計數……我嗰時先知，讀物理唔一定做教授，原來都有公司請」。
創科教育須放空
黎冠峰最終赴美攻讀物理系博士，在麻省理工學院實習時遇上今屆諾貝爾物理獎得主雷納．韋斯（Rainer Weiss），另一次實習則到大型顧問公司，「主要係幫公司計數，諗點減少成本、計點慳錢、可以炒幾多人」。最終他還是覺得未知的宇宙較吸引，選擇投身重力波研究。
黎完成博士後工作，原有英、美工作機會，惟最終回流香港，希望到此尋根、回饋社會，「都希望做個例子畀大家睇，就好似我喺荷蘭讀書，其實好輕鬆，中、小學冇功課，一返屋企就掟低書包，拎住個波出去玩」；再加上荷蘭大學選科限制少，更有抽籤機制，「成績唔好都可以有機會入到心儀科目」，壓力不如香港般一試定生死，當年黎媽媽曾嘲諷他，「佢直頭話如果我喺香港讀書，肯定入唔到大學」。
「我就係想返嚟，話畀大家聽，我懶，我都成功做到教授」。黎冠峰希望香港學生看見考試以外的可能，「其實只要畀啲自由學生、畀啲空間佢哋，好似我咁，佢哋一樣可以讀得好好；成功，唔一定要逼先可以」。他亦強調創科教育正是需要這種「空」，「要有多啲空間畀學生自己諗，佢哋先會有自己嘅creative thinking（創意思維）」。
眼見香港科研發展遲緩，港大也取消天文、數學及物理主修，黎對此不表認同，「少學生去讀唔等於唔重要，如果真係要咁，仲可以極端啲，只開法律、醫學、BBA（工商管理）、金融之類，取消晒中文、歷史……我諗，對於開科是否只為錢，始終都係要有個分界」。
■記者葉偉東
留言 (0)
