去年立會選舉　共22萬人最後衝刺政府擬削走投票高峯1小時

【蘋果日報】繼閹割立法會權力，令民主派無法以「拉布」抗衡通過惡法，政府再打算縮短選舉投票時間，有意向選民投票高峯期的最後半小時或一小時「開刀」，若以去年立法會選舉投票計算，選舉最後一小時有多達近22萬人投票。有民主派質疑，有關安排將限制當日要上班或從海外趕返香港投票選民的權利，但政府認為有關說法是「講大咗」，又指不會所有工人也要上班15小時而不能投票。
記者：姚國雄
政府正就多項選舉安排的諮詢將於本月29日完結，包括將現時朝七點半、晚十點半15個小時投票時間縮短，建議向選舉開始或結束前半小時或一小時「落刀」。若以去年立法會選舉計算，投票高峯期是最後一小時，有近22萬人最後衝刺投票，當中包括大批響應港大副教授戴耀廷「雷動計劃」呼籲，在最後一刻作策略投票的民主派選民。
陳帥夫指批評者「講大咗」
雖然政府稱對縮短投票時間持開放態度，但政制及內地事務局副局長陳帥夫指，香港是投票時間最長的地方之一，雖然市民習以為常，但並非不可改變：「習慣改係難，但習慣係可以改……一個習慣稍稍改動，係咪就係洪水猛獸呢？一定唔係。」他又指，參選人和工作人員會因投票時間長而感疲憊，容易出錯，縮短投票時間亦可縮短點票時間，「有人話選民習慣咗（15個小時投票時間），縮短咗就少咗權利，呢個似乎講大咗」。
對於早前有意見指，縮短投票時間會剝奪長工時打工仔的投票權利，陳質疑是否所有人也要上班15小時，「應該都唔係，（工人）出一出嚟投票，係咪完全冇辦法處理呢？亦都唔一定」，又指政府可以與僱主團體溝通，「希望僱主可以同僱員有默契，早啲安排（投票），只要整間公司運作不受影響，其實唔係大問題」。若社會對縮短投票時間有共識，政府會將建議交選舉管理委員會，由於這是行政措施，故毋須修例。
委員會副主席、民建聯立法會議員周浩鼎指，有意見反映投票時間比較長，認為應該討論縮短投票時間，照顧票站的工作人員，不過出席會議團體多反對縮短投票時間。民陣副召集人區諾軒指，縮短投票時間是「搵嘢嚟搞」，因為香港沒有提早投票安排，方便不在港或在選舉日要工作的選民，他指有人是由外地特別回港投票，縮短投票時間是限制選民的投票權利。