天后站搭扶手梯婆婆俾「飛篋」撞低

【蘋果日報】一名老婦昨早9時許，在港鐵天后站乘搭扶手電梯時，意外跌倒腳部受傷，救護員接報到場將她送院治理。警方調查後，相信一名26歲姓陳內地女子拖篋搭扶手梯時，行李篋脫手滾下撞傷老婦。
82歲姓何婆婆在醫院表示，事發時由大堂搭扶手電梯落月台，其間後面一名內地女子拖住女童及拉著行李篋，但對方的行李篋脫手並撞向她，令她失去平衡跌倒擦傷左腳外側。何婆婆稱，幸事發時有緊握扶手，被撞後只是跌倒「坐嚮度」，否則恐防會碌落扶手梯重傷。
何婆婆怒氣未消，並聲稱自己有嚴重骨質疏鬆，「講國語，啲正牌大媽啦，以為講對唔住我就唔追究，我一定會追究！」