小店憂加租　機迷怕拆場

【蘋果日報】UA戲院明年在深水埗黃金商場開業，屹立深水埗40多年的劉森記麵家老闆劉先生指，相信深水埗會變得更多姿多采，他笑指30多年前該地點也是戲院，經常和朋友到該處看戲。有經營串燒店的店主則擔憂業主趁機大幅加租，加重經營壓力。
「以前散場大堆客走出嚟」
劉先生認為戲院會令深水埗變得多元化，30多年前該處也是戲院，「以前做大牌檔，一散場有一堆客走出嚟，幾得意㗎，之後拆咗，深水埗變得單調咗。」
在黃金商場附近經營燒烤小食店的負責人指，相信戲院開業後會帶旺人流，「入戲院之前食吓嘢」，但擔心業主因此大幅加租，他坦言在深水埗開業，主要做熟客生意，盼加幅勿太誇張。
市民對區內有戲院落成反應兩極，深水埗居民陳先生希望黃金商場不會整間拆掉，「如果拆咗對我哋呢班打機嘅人嚟講好痛苦。」同是居民的林小姐則指，黃金商場可代表深水埗，她居住深水埗多年，坦言不覺得需要戲院，「要睇戲我出旺角都得啦。」
學生區小姐得知黃金商場會開戲院，開心得大叫「Yeah」，她指自己是電影迷，現時看戲要到旺角有點遠，希望戲院落成後會多播放鬼片。
■記者廖梓霖