富婆Laura堅決離婚汪子琦：誰來評定我好壞

【蘋果日報】大陸富婆Laura同TB製片汪子琦爆離婚，兩人反目互數，Laura狠批汪子琦苛索3千萬美金贍養費，揚言所有財產都係自己嘅，一分一毫都唔會畀，仲踢爆汪子琦喺求復合其間，畀佢發現再次偷食。日前汪子琦就回覆《蘋果》表示：「我和她在一起十多年，從朋友到合作夥伴再到愛人，我要求的我認為也是合情合理的。」並否認自己有暗交其他人。
日前Laura就冇為離婚事件影響，依然喺微博度自拍，一身珠光寶氣，之後汪子琦亦似有暗示嘅喺微博留言同貼圖：「志氣可以賤賣，每步陷阱任你踩，光陰走的太快，重傷一次，你會長大，海闊天空誰來評定我好壞，滴水不漏，鐵石心腸，愛與恨，不過是一剎感受，花花世界，沒什麼永久，凡塵萬般帶不走」​​​​。帖文後，就有網民留言叫佢加油。
到今日中午，汪子琦又再係微博留言，今次佢就引用咗明代末期戲曲劇作家及文學家湯顯祖嘅名作《牡丹亭》入面嘅名句「人易老，事多妨，夢難長，一點深情，三分淺土，半壁斜陽。」講到對愛人嘅情深，唔知汪子琦呢段留言係有乜意思呢！