女大十八變《情定大飯店》童星晒豐滿身材搶鏡

【蘋果日報】韓國童星出身嘅女星都給人一種清純、仙氣嘅感覺，當中包括金裕貞、金所炫等人，不過同樣都係童星出身嘅金希珍就非常唔同，佢不時於Instagram大晒弗爆身材，行性感路線搶鏡。
現年25歲嘅金希珍，8歲時拍攝韓劇《小蓋子》出道，之後亦有演出《情定大飯店》、《王與我》等劇集，今年亦有演出《逆賊：偷百姓的盜賊》、《再次重逢的世界》等劇，非常多產。
金希珍初出道時憑一雙水汪汪大眼睛而備受觀眾歡迎，長大之後金希珍未有行可愛路線，反而係曬得一身健康嘅小麥色肌膚、愛穿吊帶、貼身衫騷豐滿身材，以性感形象示人，更不時於IG大方晒新相，唔行仙氣路線都一樣獲大批網民支持。