被歌手好友撬牆腳高恩雅爆前男友佔有慾強

【蘋果日報】韓劇《彩虹羅曼史》嘅29歲女星高恩雅近日接受節目《Video Star》訪問，佢大爆同男友分手嘅內幕。原來高恩雅嘅男友佔有慾超強，佢大呻：「本來就好嚴重，仲要好執着，將我手機裏面所有男人嘅名字都記低晒。仲誇張到親自打電話畀人哋，同人哋講係我男朋友，問人哋點解仲要聯繫。」即使同喺工作上有來往嘅人通電話，同樣會被男友問東問西，又指佢咁樣會令形象唔好。
當時高恩雅唔明白，以為咁樣係男友愛自己嘅表現，最後男友亦發現問題所在，但唔明白係自己太過執著定疑心太重，最後就搵高恩雅嘅朋友傾談，點知佢竟然就同高恩雅嘅好友撻着，之後仲同高恩雅提出分手。高恩雅仲大爆小三都係圈中人，係一名歌手。