新聞類別
娛樂
詳情#
【蘋果日報】【《蘋果》專訪】賭王三房最索千金何超蓮三年前回到家中，打理家族生意做非執董一職，但仍與朋友成立慈善組織Smile with us HK，善用其社交「網紅」威力，而不是富二代背景，募集義工，上街去接觸群眾，希望香港人有正能量，換來一笑，向着「Stand your own feet」的座右銘出發。
何超蓮現年26歲，三年前開始幫家族打理生意，更擔任澳門勵駿非執董一職，提到人生第一份工，是大學放暑期時返媽媽公司做打雜。12年超蓮在倫敦大學經濟一級榮譽畢業後，考入當地安永會計師樓，之後再轉去北京分部，邊打工邊考會計師牌，她笑言：「原來考paper有成個月study leave，有錢又可以放假，覺得呢件事好嘆。我想去考，因為爹哋好鍾意呢啲乜師乜師係好叻嘅，於是我好想佢有一個女係乜師乜師，佢就會好開心。」而到今年初，超蓮成立Smile with us HK慈善團體，幫助及關心基層人士，實行邊打工邊為善。
瞇眼參考童年照
Smile with us HK的logo是個瞇着眼睛，笑得燦爛的公仔，超蓮表示參照她童年照而設計的，開宗明義希望香港人多點正能量、笑多一點，所以她搞的義工活動，都「貼地」走入群眾。過去大半年如老人院探訪、去深水埗派飯盒、幫基層人士搬屋、書展派扇、街頭派波板糖、曲奇等，明白未必可以解決燃眉之急，但她希望藉此散發正能量，博香港人一笑。接受本報專訪的這天，超蓮就與義工去海洋公園，協力南區區議會旅遊文化節，帶小朋友遊熊貓館、香港特色街道，與外籍老師以活動教學鼓勵小朋友講英文。
有着富二代背景去做慈善，不免被外界標籤出錢就可以，超蓮就說：「啲人會覺得我哋富二代好有錢，唔憂柴唔憂米，上遊艇、暑假去玩。我哋呢群人都好有心、希望幫到香港人，亦唔係用錢去『撻』人，用個心去同人接觸。當然捐錢係幫到好多人，但有時幫人唔一定係用錢，有人支持同關心佢哋，香港人就係缺乏呢樣嘢，氣氛唔係十分開心。」令超蓮有決心想幫助別人，源於早前去尼泊爾探訪，體會當地失去居所災民仍然樂觀面對，相反物質條件好的香港人就不快樂。
幫人等如教自己
由細到大，母親陳婉珍灌輸超蓮幫人的大前提，超蓮說：「唔好越幫越忙，要人照顧埋你就寧願你唔好做，好似四川地震想做義工，我嗰時仲喺英國讀書，佢話我『你有專業資格咩？不如你諗一個你做到又幫到。』於是提議捐錢。」最後，她將與弟弟由倫敦返港坐頭等機票轉坐經濟艙的差額捐出來。
第一次實踐，超蓮揀了情人節在香港大學派玫瑰花，但她與義工們食盡檸檬，體驗香港人的冷漠，不過亦有感動的故事，曾經幫過一個受到家暴、住劏房的母女家庭搬公屋同裝修，對方喊住感激她：「平時接觸唔到呢個層面嘅人，亦唔會有人同我講佢哋嘅難處，我覺得唔係我哋去幫佢，而係佢教緊我哋呢啲年輕人，我哋有幾幸福。」
為社會做慈善，父母扮演甚麼角色，超蓮說：「媽咪盡量放手，叫我唔好諗住靠屋企，要我stand your own feet，自己都企唔穩，要身邊啲人捧住你，咁就唔係叫企。」
採訪：梁錦雯、譚倩宜
何超蓮現年26歲，三年前開始幫家族打理生意，更擔任澳門勵駿非執董一職，提到人生第一份工，是大學放暑期時返媽媽公司做打雜。12年超蓮在倫敦大學經濟一級榮譽畢業後，考入當地安永會計師樓，之後再轉去北京分部，邊打工邊考會計師牌，她笑言：「原來考paper有成個月study leave，有錢又可以放假，覺得呢件事好嘆。我想去考，因為爹哋好鍾意呢啲乜師乜師係好叻嘅，於是我好想佢有一個女係乜師乜師，佢就會好開心。」而到今年初，超蓮成立Smile with us HK慈善團體，幫助及關心基層人士，實行邊打工邊為善。
瞇眼參考童年照
Smile with us HK的logo是個瞇着眼睛，笑得燦爛的公仔，超蓮表示參照她童年照而設計的，開宗明義希望香港人多點正能量、笑多一點，所以她搞的義工活動，都「貼地」走入群眾。過去大半年如老人院探訪、去深水埗派飯盒、幫基層人士搬屋、書展派扇、街頭派波板糖、曲奇等，明白未必可以解決燃眉之急，但她希望藉此散發正能量，博香港人一笑。接受本報專訪的這天，超蓮就與義工去海洋公園，協力南區區議會旅遊文化節，帶小朋友遊熊貓館、香港特色街道，與外籍老師以活動教學鼓勵小朋友講英文。
有着富二代背景去做慈善，不免被外界標籤出錢就可以，超蓮就說：「啲人會覺得我哋富二代好有錢，唔憂柴唔憂米，上遊艇、暑假去玩。我哋呢群人都好有心、希望幫到香港人，亦唔係用錢去『撻』人，用個心去同人接觸。當然捐錢係幫到好多人，但有時幫人唔一定係用錢，有人支持同關心佢哋，香港人就係缺乏呢樣嘢，氣氛唔係十分開心。」令超蓮有決心想幫助別人，源於早前去尼泊爾探訪，體會當地失去居所災民仍然樂觀面對，相反物質條件好的香港人就不快樂。
幫人等如教自己
由細到大，母親陳婉珍灌輸超蓮幫人的大前提，超蓮說：「唔好越幫越忙，要人照顧埋你就寧願你唔好做，好似四川地震想做義工，我嗰時仲喺英國讀書，佢話我『你有專業資格咩？不如你諗一個你做到又幫到。』於是提議捐錢。」最後，她將與弟弟由倫敦返港坐頭等機票轉坐經濟艙的差額捐出來。
第一次實踐，超蓮揀了情人節在香港大學派玫瑰花，但她與義工們食盡檸檬，體驗香港人的冷漠，不過亦有感動的故事，曾經幫過一個受到家暴、住劏房的母女家庭搬公屋同裝修，對方喊住感激她：「平時接觸唔到呢個層面嘅人，亦唔會有人同我講佢哋嘅難處，我覺得唔係我哋去幫佢，而係佢教緊我哋呢啲年輕人，我哋有幾幸福。」
為社會做慈善，父母扮演甚麼角色，超蓮說：「媽咪盡量放手，叫我唔好諗住靠屋企，要我stand your own feet，自己都企唔穩，要身邊啲人捧住你，咁就唔係叫企。」
採訪：梁錦雯、譚倩宜
回應 (0)
