「有段時間好抑鬱」吳若希平反冇俾人包

【蘋果日報】奉女成婚的吳若希，今年4月做人母，10月跟「澳門闊少」何兆鴻（Alex）正式註冊。吳若希初入行曾被捧為「宅男女神」，後來太火爆經常跟網友開拖，變成「十大討厭藝人之一」。吳若希昨在商台節目《1圈圈星光背後》訪問中大吐苦水。
「乜都自己畀錢」
吳若希當初由福建來港入住公屋，入行四年已搬豪宅揸靚車，身邊猛男不停轉，她曾爆出跟地產界「十哥」林棣權關係密切，後又傳是股壇狙擊手王弼燮的知己。吳若希被指收入與支出不相稱，負面新聞多多，她亦爆出患上抑鬱症。但也有指吳若希被舊愛母親棒打鴛鴦，她情困曾服安眠藥自殺。吳若希喺商台訪問中剖白：「有段時間我好抑鬱，我有食抗抑鬱藥，應該是攞完金曲金獎後。人家抨擊我嘅工作、樣貌、聲線等，我都可以冇所謂，最委屈係傳我俾人包養。」她續說：「由細到大，媽咪都灌輸我，女仔最緊要係清譽。我辛苦工作賺錢，租嘅屋、買嘅車都係自己畀錢，點解咁傳？好彩我樂觀，食咗短期輕微抗抑鬱藥，嗰段時間個樣變到好腫。」
撰文：楊定