中環在線：港人使最多錢嘅地方竟然係……

【蘋果日報】大部份香港人預計自己未來使最多錢嘅地方竟然唔係樓！施羅德調查發現，近四成港人預計自己未來一年可支配收入主要使落去嘅係……買股、債或者係類似嘅嘢，僅次於買股嘅係放入紅簿仔，第三位先係買樓！
咁當然亦有極端例子，調查發現有2%嘅港人會將收入主要放喺床下底嘅餅乾罐，亦都有7%比較玩樂主義，將收入主要使落去渡假、買車呢類消費。
今次嘅調查在全球訪問超過2.2萬人，最多人使錢去消費嘅國家係……奧地利，有21%受訪者表示會使錢去奢侈品，最少人會使落奢侈品嘅係台灣同印度。至於最多人使錢去還債嘅係加拿大，最少人用落去還債嘅係中國。
雖然最多香港人揀可支配收入使落去投資，但在全球只係位列第三，排第一係中國及台灣，有45%主要會使落投資；至於日本同新加坡亦佔38%及30%。
李華華

LiWaWa@AppleDaily.com