三度隱蔽　社工一封信令少女重生

【蘋果日報】穎霖年屆15歲之時，已經歷第三度隱蔽，幸獲社工協助重返社會，直至今年21歲，她才自覺「完全走出隱蔽」。社工指，穎霖已算幸運，但社會仍有不少「漏網之魚」，冀各界對隱青多加關懷。
「好似毒男追女仔」
患有讀寫障礙的穎霖，小一留級重讀，再因學業壓力太大而兩度停學共一年半，「全年喺屋企打機、瞓覺」。讀至中一上學期，已屆15歲的穎霖決定退學，第三度隱蔽在家，一隱就5年。穎霖父母關係欠佳，母親是精神病患者，曾試過搬屋時在街上病發，不斷罵她和其他路人，令她情緒跌至谷底，萌生自殺念頭，「試過幾次想死，上網搵點死先最舒服同一定死到」，最終其父親輾轉向香港基督教服務處求助。穎霖自覺今年起才算「完全走出隱蔽」，現正接受職業志向等訓練。
服務處社工袁梓齡最初靠親筆寫信，成功打動穎霖。她形容社工接觸隱青的手法有如「毒男追女仔」，一般先寄親筆信自我介紹，不會直接致電或上門。已從事隱青服務十年的她至今寄逾300封信，「之後會連小禮物或食物一齊寄，佢有冇拆嚟睇同食，都係signal（信號）」，待時機成熟就相約在家附近見面或上門探訪，「家長係卧底提供有關隱青嘅線報，但千祈唔好太急躁，有啲會逼個仔出嚟見我哋，咁反而唔好」。
該處另一社工阿蘇其後花約兩年協助穎霖重投社區。阿蘇形容穎霖是相對容易處理，因其父願意求助，社工才有機會介入，呼籲各界關注。
■記者李詠希