設計師微信遇「人妻」傳露肌相

【蘋果日報】手機交友、援交、網絡情緣近年大行其道，當中陷阱處處，今年1至9月已有347名男子不甘被騙而報警，無報警的受害人估計遠不止此數。40歲的阿佳是一名家居設計師，透過微信「附近的人」功能，認識了人妻「阿怡」，對方用3天時間便騙了他5,000元。
見面前付誠意金
「有一日，有個附近的人加我微信，頭像係一個清純嘅女人，我冇多諗就加咗，大家交換咗一啲背景資料」，阿佳續稱，「佢叫阿怡，35歲，湖南嫁來香港，老公60歲，經常出差返大陸，喺香港冇乜朋友，家住大埔康樂園，屋企有寶馬車但唔熟路」。阿佳向記者講述其微信「艷遇」時說，見阿怡如此坦誠，也將自己的家庭狀況如實相告。
阿怡連續兩天向阿佳傾訴嫁給年老丈夫的種種苦惱，「間中問我身體健康狀況，暗示佢自己都有正常需要」。阿佳表示，「第三日上午，阿怡講老公要出差幾日，佢叫我開佢架寶馬車去兜風，仲傳幾張性感相畀我睇，問我感覺點」，「佢話一個女人，背夫偷歡好有罪惡感，亦害怕遇上壞人」，「我都影自己幾張露肌相畀佢，仲傳埋自己張公司卡片畀佢。」
當日中午，阿佳準備赴會，「出門前阿怡突然傳訊息嚟，話兩人初次見面，希望我轉賬5,000元，表示有誠意，如果感覺到我嘅誠意，佢會回贈一隻名錶」。阿佳表示，當時感覺對方說的有道理，於是去銀行轉賬5,000元，稍後阿怡回話稱「感覺自己好賤，才值5,000元」，要求阿佳再轉賬一萬元。此時，來到康樂園但不得其門而入的阿佳才醒覺被騙，要求對方開視像但被拒絕並遭列入黑名單，「佢有我啲露肌相，我最驚係佢放上網，實瘀死」。
■記者林熊