財女手筆：大象年尾發力追「騰指」

【蘋果日報】聖誕鐘買滙豐！滙豐控股（005）近月表現只可以用「穩定」嚟形容，其實都幾失望，就算預測恒指會升，不過，完全無諗過「騰指」威力驚人，除咗騰訊（700）之外，恒指大家仲記得邊一隻股？滙控股價平穩，收息確實唔錯，不過睇住騰訊升完再升，真係心有戚戚然！
忍唔住300幾蚊死衝騰訊，居然仲有得睇QQ再放風箏，風向當炒，無理由唔跟風，睇騰訊破400，成交再爆升，咁掃法再拆細真係有可能！
飛唔起嘅大象話20億美元回購已盡，幾時再有第四輪回購，滙控話要等睇吓資金有無其他更好用途。第三輪回購後滙控見過最高位79.65元，回購吸引力大減，不過，高盛估計下年滙控再有30億美元股份回購，加上又到聖誕，滙控作為傳統股份應該受捧，而且美國仲差一次加息未加，12月睇嚟走唔甩，滙控終於可以俾返少少力啦！
Melody