新聞類別
財經
詳情#
【蘋果日報】網絡令知識傳播的速度以幾何級數增加，這年頭幹活，與時並進太重要，因為稍為猶疑趦趄，即會落後於人，慘過敗家。
普通打工仔已經如是，更何況公關這行業。在即時新聞無處不在、無孔不入的今天，你check少陣手機已不知走漏了多少段和自己公司有關的大事，所以對行家來說，不管吃飯抑開會，辦公還是私人時間，行又check、坐又check手機，幾乎是常態。
健康嗎？當然不，但似乎別無他選，老細手機一樣有set notification，重要的即時新聞你夠膽不提示他嗎，甚至，你唔係想次次佢提你，你先知有人寫衰自己公司吧。
所以有老友新加盟某機構，想有點作為，問Mary有乜辦法impress老細，我問佢上手media monitoring點做，佢答係最傳統那種朝朝中午前把剪報送上CEO房嗰隻。
咁就易啦，底線這樣低，做少少已經贏成條街。
首先搵街外那一兩間最多人用、專做social listening的公司，幫機構度身定做一個建議，既涵蓋定期的監察報告，也包括突發性預警，譬如每當你公司個名，或別號在網上被談論次數超越每小時若干次時，系統必須發出特別預警，公關部就即時查看，如真屬危機，起碼你會確保自己一個小時內就知道，立即上報老細，兼啓動埋危機應變程序，邊使等新聞出才知道。你當然要把你公司最關注，或者最易出意外的情況，一一列出，畀街外公司做準備。
有冇用？CEO like唔like？梗like啦，你老細都要向董事會負責的，有些事如果俾董事在社交媒體知先過佢，你話佢幾冇面？或者一個唔該，一單瘀嘢，竟然俾佢日日夜夜玩手機嘅阿仔截你糊先報料，你好難怪佢遷怒於你啫。
彭瑪莉
marypang2015@gmail.com
普通打工仔已經如是，更何況公關這行業。在即時新聞無處不在、無孔不入的今天，你check少陣手機已不知走漏了多少段和自己公司有關的大事，所以對行家來說，不管吃飯抑開會，辦公還是私人時間，行又check、坐又check手機，幾乎是常態。
健康嗎？當然不，但似乎別無他選，老細手機一樣有set notification，重要的即時新聞你夠膽不提示他嗎，甚至，你唔係想次次佢提你，你先知有人寫衰自己公司吧。
所以有老友新加盟某機構，想有點作為，問Mary有乜辦法impress老細，我問佢上手media monitoring點做，佢答係最傳統那種朝朝中午前把剪報送上CEO房嗰隻。
咁就易啦，底線這樣低，做少少已經贏成條街。
首先搵街外那一兩間最多人用、專做social listening的公司，幫機構度身定做一個建議，既涵蓋定期的監察報告，也包括突發性預警，譬如每當你公司個名，或別號在網上被談論次數超越每小時若干次時，系統必須發出特別預警，公關部就即時查看，如真屬危機，起碼你會確保自己一個小時內就知道，立即上報老細，兼啓動埋危機應變程序，邊使等新聞出才知道。你當然要把你公司最關注，或者最易出意外的情況，一一列出，畀街外公司做準備。
有冇用？CEO like唔like？梗like啦，你老細都要向董事會負責的，有些事如果俾董事在社交媒體知先過佢，你話佢幾冇面？或者一個唔該，一單瘀嘢，竟然俾佢日日夜夜玩手機嘅阿仔截你糊先報料，你好難怪佢遷怒於你啫。
彭瑪莉
marypang2015@gmail.com
回應 (0)
