慨嘆港初創將概念「收收埋埋」

【蘋果日報】近年本港初創企業如雨後春筍，新一屆政府亦增撥資源推動科研及創科發展。惟天開（TFI）創辦人袁耀輝直指，香港不少初創企業僅屬商業模式創新，而非科技創新，因此將概念「收收埋埋」，現象值得反思。
仍停留於商業模式創新
「喺香港見10間創科公司，有9間第一件事就係：『Wilson你簽個NDA（Non-disclosure Agreement）先吖。』我樂意簽，但我聽完唔覺得嗰個係一個idea。」他表示，香港創業者怕被人抄襲，箇中原因是香港仍然停留在business innovation（商業模式創新），而非tech innovation（科技創新），「因為條橋個個差唔多」。
天開作為科技公司，投入頗多資源於科研，約六至七成員工均為研發團隊，因為科技無法簡單被抄襲。他指，公司研發的「分佈式代碼視頻轉換技術」，花了兩年時間才取得專利，可快速將視頻畫面轉碼，100分鐘內容只需3分鐘可完成。
香港投資者之所以對本地初創企業卻步，袁認為，其中一個原因是他們未有全盤計劃。他指，以色列初創企業很樂意分享概念，而且有清晰發展藍圖，「你覺得你現時值一億，之後點賺十億，佢有晒原因」。袁耀輝坦言政府谷創科必須訂出方向，「創科呢個字太闊了。政府淨係講做創科，講一萬次，其實係做啲乜嘢呢？」