新聞類別
娛樂
詳情#
【蘋果日報】阿姐汪明荃喺娛樂圈中嘅地位毋容置疑，今年係佢入行50周年，喺8月汪阿姐仲完成咗佢喺紅館一連兩場嘅演唱會。而汪阿姐喺大台服務咗46年，咁值得紀念嘅日子大台當然要幫汪阿姐賀一賀佢啦！
雖然大台近年慳得就慳，不過為咗幫汪阿姐慶祝，大台早前竟然非常揼本咁喺半島酒店搞咗個《汪明荃50周年世紀盛宴》，仲請嚟過百位汪阿姐喺政商界、粵劇界、演藝界嘅好友出席。而節目前日喺翡翠台播出，仲播足兩粒鐘。
內容係點？唔使問，一開始當然係汪阿姐開金口唱歌，之後係一系列嘅「朋友」表演，最重要嘅環節當然係要大家一齊勁讚汪阿姐，仲搵嚟特首林鄭月娥、劉德華、King Sir、寶珠姐等拍片，而大台非常有心思咁樣，要現場嘅朋友好似當年「EYT」玩幸運星，分別係要「讚」同「彈」汪阿姐。
無錯......到最後即係，變咗「直線」同「曲線」咁讚汪阿姐，而節目去到尾聲TVB董事局主席「殼王」陳國強仲上台送禮，今次終於唔係TVBuddy，而係非常名貴嘅翡翠心口針，不過咁都唔係最精彩。
最精彩嘅係由主持之一，身為影帝嘅曾志偉喺台上提議一眾司儀講吓對汪阿姐嘅印象，Do姐、十郎等讓志偉講先，而志偉仲感動到眼紅紅，喊咗出嚟，由零至一百都只係3秒嘅事，睇嚟志偉真係非常、非常、非常之咁感動咁噃！
雖然大台近年慳得就慳，不過為咗幫汪阿姐慶祝，大台早前竟然非常揼本咁喺半島酒店搞咗個《汪明荃50周年世紀盛宴》，仲請嚟過百位汪阿姐喺政商界、粵劇界、演藝界嘅好友出席。而節目前日喺翡翠台播出，仲播足兩粒鐘。
內容係點？唔使問，一開始當然係汪阿姐開金口唱歌，之後係一系列嘅「朋友」表演，最重要嘅環節當然係要大家一齊勁讚汪阿姐，仲搵嚟特首林鄭月娥、劉德華、King Sir、寶珠姐等拍片，而大台非常有心思咁樣，要現場嘅朋友好似當年「EYT」玩幸運星，分別係要「讚」同「彈」汪阿姐。
無錯......到最後即係，變咗「直線」同「曲線」咁讚汪阿姐，而節目去到尾聲TVB董事局主席「殼王」陳國強仲上台送禮，今次終於唔係TVBuddy，而係非常名貴嘅翡翠心口針，不過咁都唔係最精彩。
最精彩嘅係由主持之一，身為影帝嘅曾志偉喺台上提議一眾司儀講吓對汪阿姐嘅印象，Do姐、十郎等讓志偉講先，而志偉仲感動到眼紅紅，喊咗出嚟，由零至一百都只係3秒嘅事，睇嚟志偉真係非常、非常、非常之咁感動咁噃！
回應 (0)
