導演李子俊：睇打鬥好興奮

【蘋果日報】李子俊的名字絕不陌生，過去十年曾為多部港產片擔任副導演，包括《忘不了》、《無間道III》及《竊聽風雲》等，功力與日俱增，今年終以新晉導演之名拍首套作品《狂獸》，李子俊對動作片有情意結，首次主導看到打鬥場面心跳興奮，並說：「自己都想落場打！」
戲中有一場十號風球的水上追捕戲，李子俊解釋：「自己好鍾意海同水底，第一幕已諗水底打劫，而且十號風球香港經歷咁多次，想拍攝喺戲裏面，有幾個鏡頭我親自去拍。」水底戲份拍攝高危，不熟水性的張晉要特訓調節動作，而且落水後只能靠手語溝通，難上加難，李子俊說：「所以我好緊張，每日去到現場第一時間裝香先。」張晉笑言：「算你有人性。」《狂獸》以另類方法表達警察捉賊方法，甚至會打人，李子俊說：「阿晉同樂仔都有阿修羅紋身孭住，想交代佢哋行邪道角色對立會點。」
採訪：卓寶花