新聞類別
港聞
詳情#
【蘋果日報】最少50間中學「被邀請」在堂上直播基本法委員會主任李飛的演講，不少學生收看期間呵欠連連甚至打瞌睡，有學生坦言「聽唔晒、聽唔明」，也有學生批評此舉浪費時間，阻礙學習進度。有安排直播的中學校長認為值得嘗試，但有教師團體批評此等教學方式落後，淪為單向灌輸。
記者：葉偉東 李詠希
教育局日前稱最少16個辦學團體共50間中學，直播李飛演講。其中獅子會中學昨亦於直播前半小時，就安排中三、中五、中六4班共100名學生到禮堂觀看直播；該校通識科主任江健榮事前講解課堂目的，促學生藉此了解《基本法》憲制地位及來源、港人與內地官員詮釋《基本法》異同，進一步探討港獨、一地兩檢、國歌法爭議成因。校方亦派發工作紙，要求學生邊聽邊作答「甚麼是憲法」、「《基本法》對維持香港繁榮穩定起了甚麼作用」等問題。
李飛全程以普通話演講，歷時50分鐘。開始時雖有學生抄筆記，惟大部份人均眼神渙散，不時打呵欠、伸懶腰、揉眼睛等，亦有教師喚醒打瞌睡的學生。
稱聽不明普通話
被問到對李飛那一段話有深刻印象，多名由校方安排接受訪問的學生支吾以對。中六學生劉同學指，最深刻是李飛談到《基本法》地位，「深印象係因為唔明，因為佢講到《基本法》係僅次於憲法，咁如果係咁，咁《基本法》訂立原意係乜？」她坦言收看直播時不能百分百集中精神，加上李飛操普通話，故此不時「聽漏、唔係好聽得明」。中五王同學也有同感，「大概只係聽得明七成」，但仍可理解《基本法》重要性與起源。他雖表明反港獨，但未能覆述李飛反港獨論點。
沙田官立中學昨早也安排部份學生觀看李飛演講直播。中三周同學在通識堂收看半小時直播，「覺得有啲浪費時間，攞嚟教書仲好，好似冇乜用」，更指大半班同學當場睡着；中三蕭同學則在通識堂收看約45分鐘直播，但未有留意內容，「佢播唔代表我要睇，唔想聽普通話」，但笑稱直播「唔嘥時間」，「幾好啊，（那你當時在做甚麼？）瞓覺」。
沙官中五生封同學和謝同學則於歷史課收看一小時直播。二人形容李飛演講內容沉悶，「我哋冇乜專心去留意，做（其他）功課」。臨近考試，他們不滿課堂時間如此浪費，「自己本身梗係唔想睇（直播），咁上一堂已經教得好急，12月就要考試」。
教師斥方式落後
獅子會中學校長林日豐稱，視今次直播為體驗式活動。他理解學生不能完全明白演講內容，校內教師會加以整理，再引導學生討論，「畀佢哋試吓都好，好似都有個學生聽完都問我台灣問題，我覺得都係好嘗試」，將來如再有適合學生的活動，會再考慮直播。
進步教師同盟成員戚本盛批評，觀看直播在教學上落後、無效能，「又遙距又單向，你都睇到好多學生其實瞓咗，就算學生肯抄筆記，其實又有冇需要直播？」他指學校可將講辭整理並討論，或直接邀請學生與李飛對談，「最好都係雙方有得對話、辯論，即時澄清；加上教師又唔可以代李飛說話，變咗學生有唔明其實停喺度、疏理唔到，容易變成單向灌輸」。
教育局稱樂見學校按課程需要安排學生收看直播。現時課程框架內有憲法及《基本法》相關內容，局方指上述演講和討論有助學生對此議題加深認識，相信學校會善用今次資訊，客觀持平教導學生正確認識《基本法》。
【學生心聲】
中三陳同學：「我就本身唔鍾意大陸一黨專政。林鄭話合埋眼就睇唔到，但都會聽到。」
中三周同學：「通識堂睇咗半個鐘，浪費時間，就嚟考試攞嚟教書仲好，大半班瞓着。」
中五楊同學：「感覺有啲離地，只係不斷講同廣東合作，我哋都唔care，有啲不切實際。」
記者：葉偉東 李詠希
教育局日前稱最少16個辦學團體共50間中學，直播李飛演講。其中獅子會中學昨亦於直播前半小時，就安排中三、中五、中六4班共100名學生到禮堂觀看直播；該校通識科主任江健榮事前講解課堂目的，促學生藉此了解《基本法》憲制地位及來源、港人與內地官員詮釋《基本法》異同，進一步探討港獨、一地兩檢、國歌法爭議成因。校方亦派發工作紙，要求學生邊聽邊作答「甚麼是憲法」、「《基本法》對維持香港繁榮穩定起了甚麼作用」等問題。
李飛全程以普通話演講，歷時50分鐘。開始時雖有學生抄筆記，惟大部份人均眼神渙散，不時打呵欠、伸懶腰、揉眼睛等，亦有教師喚醒打瞌睡的學生。
稱聽不明普通話
被問到對李飛那一段話有深刻印象，多名由校方安排接受訪問的學生支吾以對。中六學生劉同學指，最深刻是李飛談到《基本法》地位，「深印象係因為唔明，因為佢講到《基本法》係僅次於憲法，咁如果係咁，咁《基本法》訂立原意係乜？」她坦言收看直播時不能百分百集中精神，加上李飛操普通話，故此不時「聽漏、唔係好聽得明」。中五王同學也有同感，「大概只係聽得明七成」，但仍可理解《基本法》重要性與起源。他雖表明反港獨，但未能覆述李飛反港獨論點。
沙田官立中學昨早也安排部份學生觀看李飛演講直播。中三周同學在通識堂收看半小時直播，「覺得有啲浪費時間，攞嚟教書仲好，好似冇乜用」，更指大半班同學當場睡着；中三蕭同學則在通識堂收看約45分鐘直播，但未有留意內容，「佢播唔代表我要睇，唔想聽普通話」，但笑稱直播「唔嘥時間」，「幾好啊，（那你當時在做甚麼？）瞓覺」。
沙官中五生封同學和謝同學則於歷史課收看一小時直播。二人形容李飛演講內容沉悶，「我哋冇乜專心去留意，做（其他）功課」。臨近考試，他們不滿課堂時間如此浪費，「自己本身梗係唔想睇（直播），咁上一堂已經教得好急，12月就要考試」。
教師斥方式落後
獅子會中學校長林日豐稱，視今次直播為體驗式活動。他理解學生不能完全明白演講內容，校內教師會加以整理，再引導學生討論，「畀佢哋試吓都好，好似都有個學生聽完都問我台灣問題，我覺得都係好嘗試」，將來如再有適合學生的活動，會再考慮直播。
進步教師同盟成員戚本盛批評，觀看直播在教學上落後、無效能，「又遙距又單向，你都睇到好多學生其實瞓咗，就算學生肯抄筆記，其實又有冇需要直播？」他指學校可將講辭整理並討論，或直接邀請學生與李飛對談，「最好都係雙方有得對話、辯論，即時澄清；加上教師又唔可以代李飛說話，變咗學生有唔明其實停喺度、疏理唔到，容易變成單向灌輸」。
教育局稱樂見學校按課程需要安排學生收看直播。現時課程框架內有憲法及《基本法》相關內容，局方指上述演講和討論有助學生對此議題加深認識，相信學校會善用今次資訊，客觀持平教導學生正確認識《基本法》。
【學生心聲】
中三陳同學：「我就本身唔鍾意大陸一黨專政。林鄭話合埋眼就睇唔到，但都會聽到。」
中三周同學：「通識堂睇咗半個鐘，浪費時間，就嚟考試攞嚟教書仲好，大半班瞓着。」
中五楊同學：「感覺有啲離地，只係不斷講同廣東合作，我哋都唔care，有啲不切實際。」
回應 (0)
