嵐山劏房連車位　兩年賺227萬原業主：擺到明細單位升硬

【蘋果日報】樓價癲升之餘，車位造價一樣炒到「㷫烚烚」。大埔嵐山一個單號車位以180萬元成交，創屋苑新高價之外，短短兩年炒高71%，升幅媲美屋苑劏房。炒車位兩年賺75萬元的原業主是利嘉閣前工商舖董事，當年先買劏房後買入車位，劏房連車位兩年賺226.5萬元，他認為：「擺到明細單位升硬！」
記者：陳家雄
根據土地註冊處資料，嵐山停車場B層單號車位，上月底以180萬元成交，創下屋苑車位造價新高。對上一個紀錄於今年8月中所造，當時同層單號車位，以177.8萬元成交，今次成交略高2.2萬元。
單計車位賺近71%
資料顯示，是次新高價車位原業主鄧遠智為利嘉閣工商舖前董事，他於2015年先以186.5萬元購入屋苑8座低層A室，實用181方呎，其後再以105萬元購入上述車位。住宅單位今年6月以338萬元沽出，賬面賺151.5萬元或81%，為屋苑目前實用200方呎以下最高成交價劏房。至於沽車位則賺75萬元或71%，即住宅及車位合共賬面賺226.5萬元。
鄧遠智已離開利嘉閣工商舖，現自立門戶於大埔開設代理行經營區內住宅及村屋市場。
他坦言：「當年買入最細單位，嗰時貪佢細，擺到明細單位升硬！抽到細單位後，又有車位抽，咁住宅及車位比例唔啱數嘅，咁梗係抽埋車位啦！放盤一路唔到價都唔賣，單位和車位最後係以最高價賣出。」他從電話筒仍流露出喜悅之情。
他認為：「畀得起三、兩百萬嗰班人一定要追呢啲（細單位），佢哋買唔起啲400萬嘅，咁一定追300萬嗰啲。睇埋「薈」字頭啲新盤（宏安地產早年銷售的住宅項目，主打細單位）賣到爆廠……」目前賣嵐山劏房及車位，他解釋：「嵐山單位啲設備同近年不少新嘅200方呎細單位相比，輸晒！輸咩？廚房都冇……新嗰啲，起碼開放式廚房有廚櫃有爐頭，嵐山基本唔使旨意煮食。」
套現後擬轉攻村屋
套現資金後，鄧遠智擬轉投大埔村屋市場，料有捧場客，「大埔市中心細單位租金升得犀利，翠屏花園實用260方呎一房單位，月租1.1萬元，同類造價約410萬，同樣價錢可買到700方呎中層村屋，自住好，咩都好，回報理想，差餉地租會平啲，仲慳埋個管理費。」
近期車位價癲升情況幾乎遍全港，沙田玖瓏山、馬鞍山迎海5期迎海．御峰、青衣盈翠半島不單止創自己屋苑車位新高，甚至乎貴絕全區，其中玖瓏山車位高達450萬元更貴絕新界。