執車隊　全港日搬逾百架

【蘋果日報】不少市民濫用共享單車「隨時踩、隨地泊」的概念，令單車流落各處，沙田、大圍、大埔科學園等熱點經常出現「冇車」情況，最先在本港推出共享單車服務的GoBee Bike設有執車隊每日出動，三人一組的執車隊每日搬運逾百架單車，將流落全港各地，甚至遠至東涌白芒的單車運返各熱點。


GPS追蹤搵目標單車

記者日前曾跟隨GoBee Bike的執車隊出動到東涌執車，當日早上執車隊一行3人連同記者，抵達東薈城對開的單車停泊處，職員先透過GPS追蹤，當找到目標單車，再以內部專用手機程式解鎖單車，然後將單車搬到貨車上。


職員稱，為免有人乘機偷車，收車期間，一般會逐架解鎖，再由另一名職員在旁監察。現場所見，短短10多分鐘，職員已將十多架單車解鎖搬到車上，再運往大圍。職員指，執車隊每天朝十晚六出動，除定期執車工作，一旦接到阻街投訴或地政署通知阻街，便會即時到場清走單車。至於其餘2間共享單車公司LocoBike及oBike，亦設專人維修及管理單車。


■記者潘婉玲