方健儀離巢發展好

【蘋果日報】近年無綫新聞主播爆離職潮，尤其「七警事件」令多名記者及主播劈炮遞信，包括談美琪、林子豪、周潔儀等。而無綫前新聞一姐方健儀於12年逃離，結束6年賓主關係，轉到廉政公署任職高級新聞主任，兩年後約滿離職。15年為港台主持節目，又在毛記電視「勁曲金曲頒獎禮」獻唱惡搞歌《中東與綜》，獲頒香港區最受歡迎女歌星。
方健儀於10年嫁給無綫工程部技術指導洪楚恆，兩人結婚7年恩愛如昔。兩人前晚才結束東京之旅返港，方健儀遊日本時，不斷在社交網貼相晒愛，留言：「洪先生成日提醒我，食壽司唔好一pat wasabi放落豉油，而係搽適量上魚面，再打側蘸豉油再成嚿放入口，『哀斯』！」玩夾公仔時更鬼馬留言：「當老婆／女友話想夾隻毛公仔，本來諗住竄去行Bic Cam或單車舖嘅老公／男友立即滴汗，搏老命都要死隻公仔出來。」
撰文：皓騫