清潔龍都抽水學何君堯「執葉」實冇衰

【蘋果日報】被視為「西環新契仔」的立法會議員何君堯，今年9月在批鬥港大法律系副教授戴耀廷的集會上，揚言倡港獨者應「殺無赦」，又謂「呢啲人唔殺咗佢做咩？」引起社會嘩然，其後更被揭其律師樓網頁和去年競選立會的宣傳單張，涉嫌虛報其事務律師的「執業」資格獲英格蘭及威爾斯認可，何的「強勢」已不復從前勇。「何執葉」事件本已淡化，前晚卻有食環署於「清潔龍阿德」facebook專頁上「返兜抽水」。
「清潔龍阿德」facebook在周五晚上8時上載一幅相片，相中有身穿秋裝的清潔龍手持一塊落葉，並直稱「我喺香港執葉」，諷刺何君堯意味甚濃。帖文中就提到，「秋天轉眼就到尾聲，面對住滿地落葉我同各位清潔工友都努力執緊啊！你哋可以幫手，唔好將垃圾亂揼，要揼返落垃圾桶啊！」原來食環署只想藉此呼籲市民保持香港清潔而已。