新聞類別
娛樂
詳情#
【蘋果日報】裕美大方承認同身高米九嘅外籍型男拍拖，其實只有30歲嘅裕美，出道至今，佢嘅情史都幾豐富。
要講裕美嘅情史，最爆嘅就係去年六月，二人拍拖攬腰到街市買餸，裕美仲喺黃子恆西貢屋企過夜，被指背夫林恩浩(Jason)搞婚外情。當時三位當事人都選擇拍片上載至社交網交代事件，裕美喺短片入面講：「我係裕美，知道大家都好擔心我嘅近況，喺呢一度回應大家，我回應完之後我唔再作任何嘅回應㗎喇。喺2014年嘅年底呢，我同Jason佢發生咗一啲唔愉快嘅事，所以我哋就(有淚意)…關係破裂(垂首，沉默數秒)咁樣我哋都有去…去…去挽救呢件事，去搵一啲婚後輔導員，牧師啦，導師啦去傾，亦都嘗試努力去挽救呢段感情，但係都……」
至於兩位男事主，Jason仲曾經拍片叫黃子恆出嚟承認鍾意裕美，黃子恆最後都冇龜縮，拍片交代話：「喺整件事件入面，我確實有錯失嘅地方，就係冇清楚了解，佢同佢先生嘅關係清楚咗未。裕美係一個好善良嘅女仔，我唔希望他日再見到佢嘅時候，仲係好似之前咁活喺陰霾之下，而係可以開心、愉快、安穩咁生活嘅一個女仔。」最後呢次偷食事亦算告一段落。
除咗黃子恆呢段婚外情，裕美喺初出道嘅時候，就曾經同E-kids嘅阮民安拍拖之外，仲同陳柏宇傳過緋聞。但仲同「廢青」張彥博(亦係前組合「赤子」成員)，有個一段情，而裕美仲差啲做埋張太㖭！
2011年，張彥博喺教會識咗仲未做人妻嘅裕美，二人仲影埋結婚相，盛傳好事近。當時裕美喺微博貼圖寫道：「我們的結婚相。」2011年2月，兩人出席教會活動「Love is.....Concert2011」，甜蜜拍照，又大談婚事及性事。裕美當時話婚期未定，但應該唔係今年嘅事，又直言：「信主後，我啲貞潔返咗嚟，雖然之前已經冇咗！」至於張彥博都甜絲絲謂：「追咗佢(裕美)好耐，05年首次見面，佢對我一直都忽冷忽熱。」
點知婚照曝光冇耐，裕美就俾人撞破同鼓手鄧應祈喺車廂激咀，有指當時裕美仲同記者求饒，不過一腳踏兩船事件，令佢同張彥博嘅婚事撻Q，而激咀男就扶正變做男友，佢哋拍拖兩年分手。
而最近一次同裕美扯上關係嘅異性，係今年4月，有傳大台高層樂易玲幼子Ryan，同比佢大8年嘅裕美去談心，仲被人見到Ryan捉住裕美隻手嚟貼住自己隻手，當時裕美話當對方係細佬。
要講裕美嘅情史，最爆嘅就係去年六月，二人拍拖攬腰到街市買餸，裕美仲喺黃子恆西貢屋企過夜，被指背夫林恩浩(Jason)搞婚外情。當時三位當事人都選擇拍片上載至社交網交代事件，裕美喺短片入面講：「我係裕美，知道大家都好擔心我嘅近況，喺呢一度回應大家，我回應完之後我唔再作任何嘅回應㗎喇。喺2014年嘅年底呢，我同Jason佢發生咗一啲唔愉快嘅事，所以我哋就(有淚意)…關係破裂(垂首，沉默數秒)咁樣我哋都有去…去…去挽救呢件事，去搵一啲婚後輔導員，牧師啦，導師啦去傾，亦都嘗試努力去挽救呢段感情，但係都……」
至於兩位男事主，Jason仲曾經拍片叫黃子恆出嚟承認鍾意裕美，黃子恆最後都冇龜縮，拍片交代話：「喺整件事件入面，我確實有錯失嘅地方，就係冇清楚了解，佢同佢先生嘅關係清楚咗未。裕美係一個好善良嘅女仔，我唔希望他日再見到佢嘅時候，仲係好似之前咁活喺陰霾之下，而係可以開心、愉快、安穩咁生活嘅一個女仔。」最後呢次偷食事亦算告一段落。
除咗黃子恆呢段婚外情，裕美喺初出道嘅時候，就曾經同E-kids嘅阮民安拍拖之外，仲同陳柏宇傳過緋聞。但仲同「廢青」張彥博(亦係前組合「赤子」成員)，有個一段情，而裕美仲差啲做埋張太㖭！
2011年，張彥博喺教會識咗仲未做人妻嘅裕美，二人仲影埋結婚相，盛傳好事近。當時裕美喺微博貼圖寫道：「我們的結婚相。」2011年2月，兩人出席教會活動「Love is.....Concert2011」，甜蜜拍照，又大談婚事及性事。裕美當時話婚期未定，但應該唔係今年嘅事，又直言：「信主後，我啲貞潔返咗嚟，雖然之前已經冇咗！」至於張彥博都甜絲絲謂：「追咗佢(裕美)好耐，05年首次見面，佢對我一直都忽冷忽熱。」
點知婚照曝光冇耐，裕美就俾人撞破同鼓手鄧應祈喺車廂激咀，有指當時裕美仲同記者求饒，不過一腳踏兩船事件，令佢同張彥博嘅婚事撻Q，而激咀男就扶正變做男友，佢哋拍拖兩年分手。
而最近一次同裕美扯上關係嘅異性，係今年4月，有傳大台高層樂易玲幼子Ryan，同比佢大8年嘅裕美去談心，仲被人見到Ryan捉住裕美隻手嚟貼住自己隻手，當時裕美話當對方係細佬。
回應 (0)
