綠表客嫌貴　設計不實用

【蘋果日報】周先生一家四口居住於深水埗大坑東邨，之前曾經持綠表先後兩次申請居屋，但均未能成功。
「住屯門車費都蝕埋」
不過，周先生表示不會考慮今次房協推出、位於將軍澳翠嶺峰以及屯門翠鳴臺的資助房屋，認為樓價過高，「我住開深水埗，唔會考慮新界東同新界西，因為我兩個小朋友都係喺深水埗返學，搬去新界實在太遠，而且今次將軍澳單位價錢太貴」。
周先生表示，一直都想購買實用面積大約400多呎的兩房單位，預算少於400萬元，「將軍澳兩房單位超出預算，而且單位設計唔實用，屯門係相對平啲，但係太遠喇，返工返學都唔方便，車費都蝕埋，屯門車費要廿幾蚊」。
周先生續指，之前兩次申請的居屋單位皆比今次的價格低，他亦認為今次單位的設計並不實用，露台以及工作平台不適合4人以上的家庭。
■記者梁佩珊