新聞類別
財經
詳情#
【蘋果日報】全球ETF興起，反映投資自主化大勢，傳統基金被指收費高昂蠶食投資回報，ETF則以運作簡單加費用低廉取勝，成為自主投資常用工具。
時至今日，ETF已經唔單單係追蹤現有股市指數，有ETF供應商甚至與指數供應商合作，前者會要求後者先按其指定準則篩選股票，以度身打造一個指數，其後ETF供應商再推出追蹤該指數嘅ETF。呢類新型ETF屬聰明啤打ETF（smart beta ETF，即追蹤不按市值選股之指數嘅ETF）一種，所追蹤嘅指數會用上大量準則，如企業盈利增長、估值等數據，以篩選出指數成份股，並決定各成份股比重。
同屬ETF，上述新型ETF嘅持股都係揀過先買，性質上介乎傳統ETF與主動型基金之間。同時，由於指數成份股內容與比重一早制定好，呢類ETF面世後只需一直追蹤該指數，因此收費遠低於主動型基金。
上述新型ETF無疑有可能進一步打殘基金業，不過主動型基金並非零存在價值，事關要將質化資訊完全量化為選股準則存在困難，只有人腦先識得彈性地從國策、加息預期同板塊輪動中判斷獲利機會，再smart嘅ETF都冇可能識得動態地跟隨市況，計算幾時買同幾時放。所以與其話ETF打殘基金業，倒不如話ETF嘅出現，逼使基金進入汰弱留強時期，只有識得不時從各類大趨勢與個別事件中發掘到投資機會嘅基金，先至站得住腳。
El.
fb.com/moneywalkerhk
本欄逢周三刊出
時至今日，ETF已經唔單單係追蹤現有股市指數，有ETF供應商甚至與指數供應商合作，前者會要求後者先按其指定準則篩選股票，以度身打造一個指數，其後ETF供應商再推出追蹤該指數嘅ETF。呢類新型ETF屬聰明啤打ETF（smart beta ETF，即追蹤不按市值選股之指數嘅ETF）一種，所追蹤嘅指數會用上大量準則，如企業盈利增長、估值等數據，以篩選出指數成份股，並決定各成份股比重。
同屬ETF，上述新型ETF嘅持股都係揀過先買，性質上介乎傳統ETF與主動型基金之間。同時，由於指數成份股內容與比重一早制定好，呢類ETF面世後只需一直追蹤該指數，因此收費遠低於主動型基金。
上述新型ETF無疑有可能進一步打殘基金業，不過主動型基金並非零存在價值，事關要將質化資訊完全量化為選股準則存在困難，只有人腦先識得彈性地從國策、加息預期同板塊輪動中判斷獲利機會，再smart嘅ETF都冇可能識得動態地跟隨市況，計算幾時買同幾時放。所以與其話ETF打殘基金業，倒不如話ETF嘅出現，逼使基金進入汰弱留強時期，只有識得不時從各類大趨勢與個別事件中發掘到投資機會嘅基金，先至站得住腳。
El.
fb.com/moneywalkerhk
本欄逢周三刊出
回應 (0)
