新聞類別
財經
詳情#
【蘋果日報】今時今日打工仔想襟撈，做好本份都未必夠，尤其身處中資金融機構。上市5個月嘅交銀國際（3329），噚日突然出通告，話有班員工自願扲荷包買公司股份，仲要唔係做個樣當撐吓公司咁簡單㗎，因為批股份居然有12個月禁售期，咁唔話得嘅打工仔去邊度搵？
交銀話，呢班包括高層同其他僱員嘅員工，因為對公司業務前景有信心，同時認為目前股價是被低估，所以自願買股亦無意12個月內轉讓股份，而且強調公司無提供任何財務援助。但交銀就無透露究竟有幾多個呢啲好員工、同埋佢哋又扲咗幾多錢出來。
借住公司出現抵得諗員工呢個消息，交銀國際噚日一度升4.9%贈慶，收市升3.2%，報2.95元，但較上市價仲係潛水3.4%。不過呢班好員工扲完荷包，未來一年仲要繼續努力為公司賺錢，因為講到尾盈利表現先最撐得起股價、亦係保住自己荷包唔好縮水嘅方法。
李華華
LiWaWa@AppleDaily.com
交銀話，呢班包括高層同其他僱員嘅員工，因為對公司業務前景有信心，同時認為目前股價是被低估，所以自願買股亦無意12個月內轉讓股份，而且強調公司無提供任何財務援助。但交銀就無透露究竟有幾多個呢啲好員工、同埋佢哋又扲咗幾多錢出來。
借住公司出現抵得諗員工呢個消息，交銀國際噚日一度升4.9%贈慶，收市升3.2%，報2.95元，但較上市價仲係潛水3.4%。不過呢班好員工扲完荷包，未來一年仲要繼續努力為公司賺錢，因為講到尾盈利表現先最撐得起股價、亦係保住自己荷包唔好縮水嘅方法。
李華華
LiWaWa@AppleDaily.com
回應 (0)
