人妻Macy求生仔秘方石詠莉婚禮　不設接新娘

【蘋果日報】石詠莉、陳美詩（Macy）及王賢誌等昨日在荃灣有線電視大樓，出席奇妙電視節目《中伏》錄影。今次是石詠莉跟鄧健泓（Patrick）入紙申請註冊後，首次露面。
搵孫耀威訂禮服
對於婚禮進度，石詠莉故作神秘表示要留待Patrick公佈，但就會反傳統，不設伴郎、伴娘及沒有接新娘儀式，她笑說：「我男人係好男人嘅男人，要等佢發落，Patrick過幾日會同大家公佈。」她透露正安排酒席座位，暫時未定筵開席數及時間，但非常感謝雙方家人包容：「好多嘢要籌備，我哋咁啱都搵埋同一個本地designer幫手，Patrick話要搵孫耀威訂做一套好勁嘅禮服，要靚仔過孫耀威，我都好期待，至於婚紗都係普通嘢，佢型就得，我都未試好晒啲衫。」
「擺酒好多嘢要忙」
已經試過在不同階段減肥瘦身的石詠莉，表示不想為結婚特別再減，加上早前身體不好，會以健康及調理身體為先，她說：「生仔就順其自然，我哋兩個都有傾過，大家都以工作為先，搵多啲錢先，各自嘅工作都重新起步，大家都簽咗新公司，至於婚禮，朋友一定會請。」
剛為人妻的Macy先恭賀石詠莉，並表示老公孫耀威（Eric）跟Patrick已聯絡過，可以幫手做禮服，Macy說：「知道擺酒有好多嘢要忙，又要分邊啲人唔可以一齊坐。」Macy又透露正尋求生仔秘方：「身邊有兩個朋友都生咗，話介紹中醫畀我，仲可以生仔，不過仔女都冇所謂，Eric話如果生女，佢一定畀個女冧到儍，生仔就帶佢去踢波，一切等上天安排。」
採訪：張俊鉻
攝影：葉君海