評論私家車數目增長失控　陳帆：青年買唔起樓就買車

【蘋果日報】香港交通擠塞及汽車廢氣污染日益嚴重，運輸及房屋局局長陳帆解釋，年輕人無法負擔樓價，成為私家車數目增長失控因素之一，「就係話今天樓價飛升，我（年輕人）又買唔到樓，又少少想自己有個空間，有時畀軀體同個靈魂出去遊走一下，咁好多年輕一代變咗買唔到樓就去買車」。運輸學者稱此說法欠邏輯，立法會議員更直斥陳帆離地，質疑其處理運輸政策的能力。
記者：鄭啟源　葉偉東
陳帆昨出席電台節目，解釋施政報告提出的運輸範疇政策。主持問及私家車數目增長失控，會否考慮由發牌制度限制私家車數目時，他突然拋出「買唔起樓買車論」，認為年輕人因為想擁有私人空間，但又無法負擔樓價，所以會轉為買車。同時，有車代步又可以接載家中老幼，出行比較方便，「現代嘅年輕一群思考同我哋有少少唔同，唔係話（想法有）對錯」。
陳帆續指，因理解年輕人對私家車有需求，在檢討發牌制度方面，有需要再協調。港府會透過先研究如何增加公共交通效率，改善交通工具的方便程度及舒適度等軟性方式，減少市民買車意欲，令私家車數目增長恢復理性。他又稱，增加汽車首次登記稅的確可有效控制私家車數目，但會是當局的最後方法。
學者：不明白背後邏輯
「買唔起樓買車論」隨即引起熱議，有市民表明「唔係咁諗」。任職律師的陳先生稱，雖然買車目標較容易達成，但買車與買樓根本是兩回事，「價錢爭好遠，唔係講緊爭十幾廿萬」。從事工程業的鄭先生也指，「唔會係話買唔到樓先走去買車，咁你得嗰幾廿萬，如果你有需要上車就緊係儲埋去買樓好過買車喇，車係奢侈品嚟箒」。
香港運輸研究學會資深會員熊永達指，從未聽聞有人專門研究樓價與私家車增長的關係，「樓就係樓，車就係車，唔會買架車嚟住，兩樣嘢冇辦法拉埋嚟講。唔明白陳帆嘅邏輯」。立法會交通事務委員會副主席林卓廷指，難以理解陳帆的說法，質疑陳帆變相鼓勵市民買車，與當局控制私家車數目政策相違背。
香港進出口汽車商會會長羅少雄則認同，陳帆說法有一定道理。羅指，近年買車顧客多以年輕人為主，「始終係能力可及，可以買得到嘅私人空間。以前都興講『四仔主義』，依家樓同車價差太遠，買樓遙不可及，買咗車先都唔奇」。他續指，近年考私家車牌輪候時間延長，已可顯示用車需求增加，加上目前低息環境，亦會刺激年輕人買車意欲。