「其他人幫你坐監　痛苦好大」　判前反思　岑敖暉：我係倖存者

【蘋果日報】作為學生領袖，岑敖暉曾在雨傘運動走到最前。運動之後，昔日戰友羅冠聰、黃之鋒繼續從政前行，他卻低調淡出；直到近日女友戰友紛紛入獄，外面只剩他一人，他才再於港聞版活躍起來。由重奪公民廣場到反東北案，岑一直積極參與，但偏偏律政司卻沒盯上他，連他亦百思不得其解，「有其他人幫你坐監嘅痛苦係好大」。岑形容自己是倖存者，責任變得重大，需重新思考出獄後於政治或社運上的位置。
記者：蘇曉欣
面對人生第一次監禁，現為朱凱廸擔任議員助理的岑敖暉表現輕鬆，自言抱着學生心態，「未到deadline（期限）就冇乜感覺」。他認為面對監禁最大的不安及痛苦是要與摯愛分離，但他苦笑道「依家呢樣嘢已經出現咗，仲要好大機會我坐完（女友）都未出嚟」。他表示正為探訪名單苦惱，記者問是否有太多人他想放在名單內，他卻再苦笑稱答案相反，「因為太多人入咗去（監獄）」。
指香港沒民主體制
岑敖暉認為有政治犯入獄，會為現時香港社運困局打開一個新窗口，「會有一種推進嘅力量出現咗，因為政治犯本身就係一種道德力量」。他希望入獄可感召香港人重新思考，是否可再為香港行多一步，例如幫忙擺街站，希望香港人的答案「係對得住自己，對得住你所相信嘅價值，同對得住已經犧牲嘅朋友」。至於自己出獄後會否走到更前從政，甚至參加立法會補選，他稱現時不知道刑期多長，而且補選是個複雜及敏感的話題，「個個都對呢啲位虎視眈眈，依家一定唔會有答案」。
隨着人大釋法，4名議員被DQ後，岑敖暉認為香港政治環境已有重大改變，開始步入威權時代，司法機構成政府打壓民主運動的工具。他認為香港沒有民主體制，《基本法》草擬過程亦不民主，政府更沒能力修改《基本法》，難談法治，「個法官無論點公正判案，都係依照住依附喺北京意志上面嘅建制蛆蟲，制訂出嚟嘅法律判案；喺呢個法律制度底下，係咪可以對於人權同公義嘅保障？大家都見到遠遠未去到呢個狀況」。他本來期望法庭會在DQ、公民廣場及反東北案中堅守底線及責任，但事與願違，「由原訟庭到上訴庭，你都可以見到佢哋冇呢個決心，或者冇呢個空間，去捍衞一個社會公民嘅基本權利」。
履行承諾選擇認罪
岑敖暉選擇認罪，很大程度是因為學聯曾稱會承擔罪責，他自覺需要履行承諾。記者問他有否想過如果沒有加入學聯，命運會否不一樣？他笑言「唔識答」，但回想當日參加學生會迎新營只為打發時間，最後卻走入學聯，「一切都係偶然同巧合，但都同你對乜嘢有興趣、有熱情有關，係有個driving force（動力）你會去參與」。
訪問尾聲，他突然指着攝記上衣，向記者微笑稱「呢個就係你個問題嘅答案」。記者一看，上衣寫着一句「Life cannot be reset（人生不能重來）」。