首200萬利得稅8.25%　最多慳16.5萬

【蘋果日報】中小企有望慳番筆！特首林鄭月娥首份施政報告指出，將實施企業利得稅兩級制，以減輕中小企稅務負擔，首200萬元利潤之利得稅率減半至8.25%，即最多可以慳近16.5萬元，政府將因而少收58億元，其後的利潤則按標準稅率16.5%評稅，中小企普遍歡迎建議，但批評政策同時惠澤大財團，而減稅幅度則被質疑「請個人都唔夠」。
記者：周家誠
以每年賺300萬元之中小企為例，以前繳利得稅幅度達49.5萬元，若果兩級制實施後，首200萬元僅須繳16.5萬元，另外100萬元同繳16.5萬元，共繳稅33萬元；對比以前方案慳近16.5萬元。此外，獨資及合資經營的企業利得稅率亦相應由15%減至7.5%。
政府每年少收58億元
政府指出，按上個財政年度利得稅收入1,390億元推算，整體庫房每年將少收58億元稅額，佔總利得稅收入4%，佔整體財政收入僅1%。政府又補充，上年度有10.4萬間企業要繳交利得稅，當中約八成利潤不足200萬元。
不過新稅制並非只關顧中小企，大企業首200萬元利潤亦受惠，被問到是否會有濫用情況，林鄭月娥指出，本港成功之道是來自簡單稅制，不會將個別公司拒諸門外，但為免個別大公司濫用寬減政策，大企業只可提名旗下一間子公司，可令相關寬減更集中於中小企。
中小企不滿大企業受惠
中小型企業聯合會永遠榮譽主席劉達邦表示，該會曾經向上屆政府提議減利得稅方案，但始終不獲理睬，今次林鄭月娥上任後即着手處理，感到欣慰。不過他同時批評，當初希望每年利潤200萬元以下中小企可減稅，但現時是首200萬元利潤即可減稅，變相大企業亦受惠，將衍生資源分配不均問題。劉又認為，利潤200萬元將可獲扣16.5萬元，「但增加侍產假咪畀番同事，取消強積金對沖又係事在必行，都會增加營運成本」。他續說：「其實16.5萬做到啲乜嘢？請個人月薪1.3萬，13個月糧已經爆咗錶。」
美羅針織廠董事總經理林宣武指出，減稅是「有好過冇」，但現時是整體營商環境出現問題，例如難請人，令香港競爭力減弱，「除咗稅項，輸入外勞方面究竟進展如何？取消強積金對沖方案又係點？」他認為政府希望平衡這三方面事情，故此先幫中小企業減稅，可能會有後續政策。他又提到，現時減稅屬全球大趨勢，「個個國家都減，唔減就會俾人鬧喇，連美國都想減半稅率」；又同時批評減稅幅度實際幫忙不大，不足以聘請一名司機。
減稅幫助唔大
氣候變暖，經營好艱難，近呢10年生意額都跌緊。今次有利得稅減免，一年慳到十幾萬成本，但都加唔到人工，小恩小惠，幫助唔大。同埋冇點幫中產，我未買樓，但過咗首置盤入息上限，綠置居、白居二對我就更加冇幫助。