夾心階層料爭崩頭「當買六合彩」

【蘋果日報】政府推出首置上車盤成為不少夾心階層上車希望。80後張小姐（化名）月入3萬多元，不符居屋申請資格，面對私樓市場亦只能望樓興嘆。對於政府推首置盤，她認為項目位處市區算理想，料單位會爭崩頭，「當買六合彩，博個機會」，但她不滿當局未有公佈市民最關心的售價等細節，資料不夠全面。
有市民不滿收入上限太低
任職市場推廣的張小姐數年前曾打算置業，「睇過吓單位，根本係唔可以負擔嘅價錢，想等到樓市跌先買，但我發覺唔會有呢一日，所以已放棄咗」。她指當年紅磡一個300多平方呎單位竟叫價600多萬元，她終決定租樓，現居旺角約300呎、樓齡逾30年的單位，月租約一萬元。
張批評政府過去未有顧及夾心階層市民，「香港其實唔缺居住地方，只係大部份嘅屋都唔係畀我哋住，市面好啲嘅租盤都要兩、三萬」。她無法購買居屋，若買私樓只能選擇較遠的二手樓盤，「依家市面根本缺乏選擇，一係好遠、一係好細、一係好舊，我唔想每日搭幾個鐘車返工放工，惟有住細啲」。對於首置上車盤，她認為地區不錯，惟擔心距港鐵站較遠，並期望呎價在一萬元以下，「希望可以好似居屋咁，做到至少九成按揭」。
有市民不滿首置計劃收入上限定得太低。30多歲、任金融業的吳小姐因入息超出上限未能受惠於首置盤，認為單人入息上限應設於5萬以上，「依家樓價太癲，點儲錢都追唔切個價……要買樓都要靠屋企」。她認為特首林鄭月娥應放寬按揭貸款的首期限制助打工仔上車。
■記者鍾雅宜