【網民Hot talk】HKBN公關災難？執到星如拳套要收返

【蘋果日報】香港不敗拳王曹星如（Rex）打贏日籍前世界拳王河野公平，賽後Rex左眼腫如雞蛋，並興奮地將一雙拳套掟向觀眾席，送予fans。他在Instagram報平安，稱要等消腫超碼兩星期，令fans放心，亦替他開心。不過，當時接到其拳套的fans就未必太開心，因贊助商香港寬頻(HKBN)在facebook出po，指原來一早舉辦了抽獎，得獎者的禮物就是星如比賽的拳套，「當我哋目擊Rex掉走咗對拳套嗰刻，我哋都畀佢呢下忘我嘅moment嚇到一額汗。最後好好彩，我哋即刻衝咗去搵返對拳套，真係畀我哋拎得返」。
贊助商指珍貴的「真‧決戰拳套」失而復得，鬆一口氣，「真心喺度同嗰位本來執咗對拳套嘅師兄師姐講聲唔好意思，亦都多謝你哋願意交返拳套出嚟」，更落hashtag「#真拳套仲有Rex陣味#有d眼淚#有d油#繩都未綁」。星如亦在其ig向贊助商致歉，他表示不知拳套原來用作抽獎之用，「唔好意思，sorry」。
網民就認為根本不用道歉，「抽乜鬼，掟得咁有型，到時叫HKBN抽個得?者可以同你影相仲開心放心休養啦！」亦有網民笑言：「有人話叫你除褲送條拳賽褲補數喎！」