新聞類別
財經
詳情#
【蘋果日報】近年香港有股創業潮，個個開口埋口都係startup（初創公司）。阿里創投基金牽頭嘅創業比賽「JUMPSTARTER2017」進入尾聲，噚日一班見過無數初創企業嘅業界人士就分享趣聞。唔講唔知，雖然本港初創公司水平唔差得過海外嘅，但有樣嘢，初創老闆們似乎差咁啲，就係口才。
支持JUMPSTARTER兩場初賽嘅南豐紗廠負責人陳卓卓話，對比外國人，「本地好多參賽者講嘢冇咁夠膽」，有啲怕醜仔咁，presentation有待加強。香港科技園投資主管黃賢敏亦見到部份初創公司負責人，有時未能講清楚公司方案可以解決邊類科技問題，或者未能簡潔地介紹公司商業模式、融資目標。
不過，佢哋都話，比賽評判會留低同參賽者講番有乜要注意，相信好快可以改善。今次報名比賽嘅初創企業，只有兩成曾參與融資、2%參加pre-A及A輪融資，比例甚低。
黃賢敏話，其實香港缺乏種子同A輪投資者，而科技園致力籌募資金，發現唔少家族企業第二代、建築及食品公司都有意投資新技術，真係唔接觸過都唔知。
李華華
LiWaWa@AppleDaily.com
支持JUMPSTARTER兩場初賽嘅南豐紗廠負責人陳卓卓話，對比外國人，「本地好多參賽者講嘢冇咁夠膽」，有啲怕醜仔咁，presentation有待加強。香港科技園投資主管黃賢敏亦見到部份初創公司負責人，有時未能講清楚公司方案可以解決邊類科技問題，或者未能簡潔地介紹公司商業模式、融資目標。
不過，佢哋都話，比賽評判會留低同參賽者講番有乜要注意，相信好快可以改善。今次報名比賽嘅初創企業，只有兩成曾參與融資、2%參加pre-A及A輪融資，比例甚低。
黃賢敏話，其實香港缺乏種子同A輪投資者，而科技園致力籌募資金，發現唔少家族企業第二代、建築及食品公司都有意投資新技術，真係唔接觸過都唔知。
李華華
LiWaWa@AppleDaily.com
回應 (0)
