蓋鳴暉讚畫眉手勢好

【蘋果日報】陳文輝前日病逝，曾被他化過妝的藝人無一不稱讚他細緻手藝，粵劇名伶蓋鳴暉當年拍宣傳海報都是由輝哥為她化妝，蓋鳴暉昨在電話中說：「佢畫眉手勢好細緻，眉眼妝影響輪廓。我當年入無綫拍劇係輝哥化，拍劇時間長，十幾個鐘不停補妝會好厚，但輝哥打底打得靚，腮位又會上多層次陰影，出鏡立體好多。」蓋鳴暉希望輝哥一路好走：「輝哥冇架子，成日會鼓勵後生仔。」


陳曼娜拜師輝哥

曾跟輝哥學化妝的陳曼娜前晚說：「我嘅第一套粵語片《莫忘今宵》，陳寶珠同呂奇做主角，當時我仲係新人，佢對我好好，仲帶新嘅眼睫毛畀我，嗰時有得用好威水，對一個新人嚟講，當然生色不少。」


輝哥當年曾替不少港姐扮靚，96年港姐冠軍李珊珊昨也緬懷輝哥：「我出道後成日喺一廠化妝間撞見輝哥，佢帶領成個一廠化妝間。輝哥為人幽默，不過佢都有嚴肅一面。」


採訪：楊定