【馮仁昭四圍超】李嘉欣全家福臨門做節

【蘋果日報】噚日中秋節，一家大細都會聚埋一齊團圓，喺名人飯店福臨門就見到李嘉欣同老公許晉亨，仲有囝囝坐七人車前來，許晉亨坐喺車頭乘客位，好有風度咁先行落車，接咗嘉欣落車，之後就拖住戴住眼鏡嘅囝囝一齊行入福臨門，同行仲有一班親友，穿上灰色秋裝上衣，黑色長褲，手持一個小手袋嘅嘉欣，對住鏡頭面露微笑，對現場記者講中秋節快樂。
撰文：馮仁昭