新聞類別
娛樂
詳情#
【蘋果日報】熱爆韓國電影《逆權司機》正喺香港上映，戲中揭示獨裁者濫殺無辜市民，一幕幕充滿熱血、感動同悲奮嘅場面，令唔少觀眾都喊住行出戲院。今集《仙遊首爾》同繙譯Regine，喺首爾遊的士河，同的士大佬傾計，佢哋話如果當時喺鎮壓現場，都會為民主出一分力。
韓國影帝宋康昊喺戲中做一個的士司機金四福，冒住生命危險接載德國記者，採訪光州血腥鎮壓嘅情況。唔少首爾的士司機都話有睇呢套戲，話換轉係自己，都會幫德國記者，其中金司機話，「係好事，當時連外國都唔知發生咩事，因為嗰個記者先有片睇！」
戲中重現當年德國記者Jurgen Hinzpeter拍嘅片段，令觀眾深深感受軍事鎮壓嘅恐怖，人民嘅悲痛，為民主嘅偉大?牲。一眾的士司機大佬話睇完，都覺得鬼咁谷氣，佢哋話，「覺得要殺咗全斗煥（當時韓國總統）！」、「軍隊全部都係衰人！」、「示威嘅學生同民眾，都係為爭取民主自由企出嚟，居然用槍對付人民！」
其中吳司機嘅鄉下，竟然就係光州，話親身經歷過鎮壓事件：「電影係事實嚟㗎！當時無論的士、私家車、巴士都去唔到光州，一有人喺屋企行出嚟，軍人就亂槍掃射，睇住活生生嘅人被射死！當時最大問題係，啲米酒畀人加咗興奮劑，軍人飲咗之後，處於喺好興奮嘅狀態！」
喺光州民主化運動中，中學生、大學生同市民即使冒生命危險，都毋忘初衷，堅持守護民主，相信睇過部戲嘅你，都會諗起當年嘅六四事件，以及三年前嘅雨傘運動。韓國的士司機聽到雨傘運動都話知道，「韓國當時都有好多輿論」、「電視新聞有報，所以知道。」其中一位80歲嘅金司機話，「民主主義搞得好好哋嘅話，點會有示威者被判入獄？係政府做得唔好，人民先會出嚟示威，政府應該要聽反對聲音，以後改善咁吖嘛！」
可惜現實就係殘酷，即使有人為咗民主上街、流血，甚至入獄，都未必得到成果。當香港人都覺得沮喪嘅時候，有的士司機就鼓勵話：「以前我哋韓國人都經歷過非民主主義社會，朴正熙、全抖煥年代，當時言論自由全部都被控制住，你話邊個鍾意吖？邊可以放棄民主主義？」
《逆權司機》由韓國影帝宋康昊主演，以80年代光州民主化運動做背景，改編自真人真事，講述一位的士司機接載德國記者，進入光州採訪鎮壓情況。
《仙遊首爾》重溫：
http://hk.apple.nextmedia.com/enews/animation/kfans/
記者：阿仙
繙譯：Regine
攝影：峰
編審：Kaman
韓國影帝宋康昊喺戲中做一個的士司機金四福，冒住生命危險接載德國記者，採訪光州血腥鎮壓嘅情況。唔少首爾的士司機都話有睇呢套戲，話換轉係自己，都會幫德國記者，其中金司機話，「係好事，當時連外國都唔知發生咩事，因為嗰個記者先有片睇！」
戲中重現當年德國記者Jurgen Hinzpeter拍嘅片段，令觀眾深深感受軍事鎮壓嘅恐怖，人民嘅悲痛，為民主嘅偉大?牲。一眾的士司機大佬話睇完，都覺得鬼咁谷氣，佢哋話，「覺得要殺咗全斗煥（當時韓國總統）！」、「軍隊全部都係衰人！」、「示威嘅學生同民眾，都係為爭取民主自由企出嚟，居然用槍對付人民！」
其中吳司機嘅鄉下，竟然就係光州，話親身經歷過鎮壓事件：「電影係事實嚟㗎！當時無論的士、私家車、巴士都去唔到光州，一有人喺屋企行出嚟，軍人就亂槍掃射，睇住活生生嘅人被射死！當時最大問題係，啲米酒畀人加咗興奮劑，軍人飲咗之後，處於喺好興奮嘅狀態！」
喺光州民主化運動中，中學生、大學生同市民即使冒生命危險，都毋忘初衷，堅持守護民主，相信睇過部戲嘅你，都會諗起當年嘅六四事件，以及三年前嘅雨傘運動。韓國的士司機聽到雨傘運動都話知道，「韓國當時都有好多輿論」、「電視新聞有報，所以知道。」其中一位80歲嘅金司機話，「民主主義搞得好好哋嘅話，點會有示威者被判入獄？係政府做得唔好，人民先會出嚟示威，政府應該要聽反對聲音，以後改善咁吖嘛！」
可惜現實就係殘酷，即使有人為咗民主上街、流血，甚至入獄，都未必得到成果。當香港人都覺得沮喪嘅時候，有的士司機就鼓勵話：「以前我哋韓國人都經歷過非民主主義社會，朴正熙、全抖煥年代，當時言論自由全部都被控制住，你話邊個鍾意吖？邊可以放棄民主主義？」
《逆權司機》由韓國影帝宋康昊主演，以80年代光州民主化運動做背景，改編自真人真事，講述一位的士司機接載德國記者，進入光州採訪鎮壓情況。
《仙遊首爾》重溫：
http://hk.apple.nextmedia.com/enews/animation/kfans/
記者：阿仙
繙譯：Regine
攝影：峰
編審：Kaman
回應 (0)
