中環在線：李可染六呎巨幅1.22億成交

【蘋果日報】每年9、10月又係秋季拍賣旺季，蘇富比噚日宣佈，李可染一幅題為「千巖競秀萬壑爭流」嘅六呎山水巨幅，以1.22億元成交，較估值高出56%。
呢幅山水畫嘅估價，乃蘇富比中國書畫部歷來最高，估價約值7,800萬元，超越2016年喺蘇富比春拍估價5,000萬至6,500萬元、最終以2.4億元成交嘅張大千潑彩畫《桃源圖》。
此畫成於1978年，畫題「千巖競秀萬壑爭流」句出自魏晉南北朝〈世說新語〉，乃晉顧愷之形容會稽山川之秀美。李可染於1950年代到訪此地，深受啟發，之後經常以此為創作題材。
1979年底，李可染挑選此畫，參與由榮寶齋與日本西武百貨店，於東京合辦嘅大型展覽，以賀中華人民共和國成立30周年，別具意義。
李華華
LiWaWa@AppleDaily.com