洪朝豐遺傳鬱躁症停藥病發曾入住精神病房

【蘋果日報】著名DJ洪朝豐有過輝煌年代，在人氣節目《日月星辰》邂逅寶詠琴，分手後洪朝豐多番狂言，震撼唔少人，兩人戲劇性復合又分手，期間洪朝豐承認患上鬱躁症。
洪朝豐家族多病史，父親死於肺癌、母親患老人痴呆，表妹患羊癎，至於鬱躁症亦於家族中流傳，堂兄鬱因為鬱躁症，享年四十，而親兄亦因抑鬱嗜酒，有次飲醉後於港鐵站內跌倒，撞傷腦部致腦積水死亡。
當時仍舊保守，洪朝豐承認患有精神病算係大膽行為，需要食藥控制病情。06年洪朝豐擅自停藥，病情復發，要入住尤德醫院精神病房。翌年，洪朝豐將與主診醫生交換的日記輯錄成著作《精神病房私密日記》，洪朝豐亦出過CD，以鬱躁症做主題，希望透過文字、歌曲，令大眾了解精神病人。
近年洪朝豐又於訪問中表示，病發時曾有輕生念頭，唔想面對世界，可幸身邊因有家人、朋友默默支持。洪朝豐話過，唔好因為怕被標籤而停藥，而患者家人唔需要作出判斷，只需要聽患者傾訴及哭喊。
另外，洪朝豐為咗心靈平靜，嘗試過學習打坐同禪修，13年到泰國短期出家修行時，突然輕微中風，令左邊面麻痹，要送院留醫5日。洪朝豐康復後覆述醫生指，當時有條好細嘅血管塞咗，有機會復發，要長期食血壓藥。