被篤爆冇拍拖婷婷唔嬲鷹眼「佢有話番畀我聽」

【蘋果日報】謝婷婷、楊采妮（Charlie）、陳嘉容及林煒珽前晚在中環ifc出席護膚活動，婷婷就「鷹眼」謝洛美維納（Jeremy Renner）於7月底開腔不認愛後首度現身。


冇認係男友

在羅省進修回來的婷婷，被問到周末時有否陪鷹眼？她說：「平時我就返學，佢都忙緊拍戲，不過都有見過幾次面，好似首映咁。」婷婷表示首映後都見過一次，不過否認約會，承認二人是朋友關係。提到對方不認愛，婷婷說：「我都係咁講，因為係事實，訪問時我都喺度嘅，佢啱啱返屋企，都話畀我聽，人哋問佢呢個問題，我都冇認佢係男朋友，所以唔會嬲。」


婷婷又否認二人轉地下情，她說：「其實喺外國，有關於同Jeremy，或者一啲有名啲嘅明星，有啲關係嘅時候，都唔係一件好事，我唔想見一個導演或監製時，佢只會覺得我同邊個邊個有關係，想做番自己，分得清楚啲。」


採訪：羅慧敏

攝影：陳順禎