新聞類別
港聞
詳情#
【蘋果日報】管理層與新生代員工存在不同期望與誤解，《蘋果》請來資深人事顧問張慧敏（Alison，又稱辣媽CEO）及JC SHOP董事總經理莊天頌（Francis），與3位新生代「打開心窗說亮話」。管理層分享90後匪夷所思例子，如由搵工到最後辭職都由「媽咪」包辦，又有情侶一同求職一人獲聘，獲聘時明言「一係你請兩個，一係你一個都唔請」。新生代又如何回應種種廢青標籤？
記者：彭愷欣
Son姐指很大原因是新生代無家庭壓力，「覺得我依家年輕任性得起，覺得我而家唔試多啲野，依家唔玩，等幾時呀？」社會視不務正業的新生代為不負責任，90後的自由工作者（Freelancer）王梓珊（Down）否認，「我選擇每一份工作之前，我都會去估計我自己嘅能力可唔可以handle呢一份工作，當一份工作好有挑戰性嘅時候，我又會好堅持咁想去試吓。」
80後的Freelancer Alex指初出茅廬時「老細叫我做乜就做乜」，但到後期，面對老闆刻薄的話，「我就一定唔會忍，如果去到呢個位，我覺得係去到一個底線，做嘢都係打份工啫，做嘢係做到你想要嘅嘢，（如果被粗口問候？）咁我覺得呢一樣野已經係out of我要做嘅嘢。」90後的全職3D設計師侯嘉妍（Briella）畢業後，決定第一份工作便要找自己有興趣的，「堅持公司可以做到我想做嘅嘢，要有創作自由，唔會好似其他人咁話，做設計嘅人只係老細支筆。」
Briella直言這些標籤是無謂的，「一班十幾個同學已經相差好遠，仲要用10年成group咁多人，畀一個共同嘅標籤，絕對係不切實際。」Down指社會針對90後的標籤都是負面的，自己最不認同「90後半途而廢」這標籤，「成日話3分鐘熱度，返一個禮拜工就唔做，但另一角度睇，係我哋極早發現呢樣嘢唔適合我，我唔做係慳返大家時間，唔好嘥晒大家時間，其實係呢一代人清楚自己要啲咩，啱啲乜嘢。」閱人無數的Son姐認為新生代初出茅廬，工作做不長是正常現象，「其實佢一直都喺尋覓過程，自己都未搵到究竟我鍾意嘅係啲乜嘢」。Son姐指90後的心態，工作只人生的一部分，「我覺得佢地有啲厭倦，點解你硬係鍾意用一份工作收入去衡量我。」
Son姐：「媽咪幫手辭職，由搵工到返工到唔做，媽咪一手包辦。」她又說有新人見工時更不肯填個人資料，「你係唔係請我先，如果我只填啲資料，又唔係要請我，咁我填呢啲資料有咩意思，人事部答佢我哋嘅規矩不嬲都係咁，咁佢就捉住我哋不嬲呢兩個字，話不嬲做嘅規矩係咪就係合理先？」
Francis：「情侶一齊嚟見工，我哋只想請一個人，咁兩個都唔做，一係你請兩個，一係你一個都唔請」。他又說曾經有女孩來面試：「望咗下手提，突然間喊，話男朋友send message話要分手，依家就要走」
Son姐認為與家庭教育有關，「年青人喺職場嘅陋習根本就係喺屋企嘅習慣」。雇主對自己子女陋習視而不見，但同一行為出現在年輕員工身上便看不過眼，「年青人最憎嘅就係啲大人成日講一套做一套，永遠雙重標準。」Francis亦認同新生代陋習是得到過多照顧，「所有事情由父母計劃好，習慣咗畀人照顧，覺得上司一定要企喺佢嗰邊體諒佢，佢先會做到啲嘢。」他說其公司員工多為新生代，想留住員工首先令他有歸屬感，及感到被尊重，「其實好睇公司畀唔畀到佢要嘅嘢。」
記者：彭愷欣
Son姐指很大原因是新生代無家庭壓力，「覺得我依家年輕任性得起，覺得我而家唔試多啲野，依家唔玩，等幾時呀？」社會視不務正業的新生代為不負責任，90後的自由工作者（Freelancer）王梓珊（Down）否認，「我選擇每一份工作之前，我都會去估計我自己嘅能力可唔可以handle呢一份工作，當一份工作好有挑戰性嘅時候，我又會好堅持咁想去試吓。」
80後的Freelancer Alex指初出茅廬時「老細叫我做乜就做乜」，但到後期，面對老闆刻薄的話，「我就一定唔會忍，如果去到呢個位，我覺得係去到一個底線，做嘢都係打份工啫，做嘢係做到你想要嘅嘢，（如果被粗口問候？）咁我覺得呢一樣野已經係out of我要做嘅嘢。」90後的全職3D設計師侯嘉妍（Briella）畢業後，決定第一份工作便要找自己有興趣的，「堅持公司可以做到我想做嘅嘢，要有創作自由，唔會好似其他人咁話，做設計嘅人只係老細支筆。」
Briella直言這些標籤是無謂的，「一班十幾個同學已經相差好遠，仲要用10年成group咁多人，畀一個共同嘅標籤，絕對係不切實際。」Down指社會針對90後的標籤都是負面的，自己最不認同「90後半途而廢」這標籤，「成日話3分鐘熱度，返一個禮拜工就唔做，但另一角度睇，係我哋極早發現呢樣嘢唔適合我，我唔做係慳返大家時間，唔好嘥晒大家時間，其實係呢一代人清楚自己要啲咩，啱啲乜嘢。」閱人無數的Son姐認為新生代初出茅廬，工作做不長是正常現象，「其實佢一直都喺尋覓過程，自己都未搵到究竟我鍾意嘅係啲乜嘢」。Son姐指90後的心態，工作只人生的一部分，「我覺得佢地有啲厭倦，點解你硬係鍾意用一份工作收入去衡量我。」
Son姐：「媽咪幫手辭職，由搵工到返工到唔做，媽咪一手包辦。」她又說有新人見工時更不肯填個人資料，「你係唔係請我先，如果我只填啲資料，又唔係要請我，咁我填呢啲資料有咩意思，人事部答佢我哋嘅規矩不嬲都係咁，咁佢就捉住我哋不嬲呢兩個字，話不嬲做嘅規矩係咪就係合理先？」
Francis：「情侶一齊嚟見工，我哋只想請一個人，咁兩個都唔做，一係你請兩個，一係你一個都唔請」。他又說曾經有女孩來面試：「望咗下手提，突然間喊，話男朋友send message話要分手，依家就要走」
Son姐認為與家庭教育有關，「年青人喺職場嘅陋習根本就係喺屋企嘅習慣」。雇主對自己子女陋習視而不見，但同一行為出現在年輕員工身上便看不過眼，「年青人最憎嘅就係啲大人成日講一套做一套，永遠雙重標準。」Francis亦認同新生代陋習是得到過多照顧，「所有事情由父母計劃好，習慣咗畀人照顧，覺得上司一定要企喺佢嗰邊體諒佢，佢先會做到啲嘢。」他說其公司員工多為新生代，想留住員工首先令他有歸屬感，及感到被尊重，「其實好睇公司畀唔畀到佢要嘅嘢。」
回應 (0)
