新聞類別
娛樂
詳情#
【蘋果日報】來自新加坡、原名黃煥嬋的70年代的廣東歌后麗莎，將於下周四在伊利沙伯體育館，以及11月在屯門大會堂開演唱會。日前接受本報專訪，眼前的麗莎精神飽滿、開朗健談，其實在1989年，她曾昏睡，無病無痛昏迷了十一年，醒來時，兒子已由5歲變成16歲，麗莎重返歌壇外，去年榮升祖母，現時享受嫲孫樂。
於80年代初麗莎退出歌壇，結婚生仔亦經營錄音帶工廠生意，但生意失敗，問到會否是昏睡的原因？麗莎坦言壓力很大，但昏睡卻是因醫生拒絕開藥而引發。
醫生拒開藥出事
麗莎說：「一直有食藥，但佢驚我過量，所以唔畀。我知道昏睡之後，喺個腦海講『我唔要死！』我唔放棄，為咗個家，我個仔仲咁細，我唔想白白咁死，當時喺醫院scan過晒所有嘢都冇事，點解我會起唔到身？病就係病，日日都係咁過，我完全感受到。」
從昏睡中醒來，麗莎回憶第一個感受：「你哋以為一醒就醒，其實唔係咁，我諗大概十年半左右，我就慢慢好啲好啲，日日都試吓起身，起身之後，見到個仔喺身邊，冇講啲乜嘢，我淨係諗自己係咪都會死，同埋成日都想嘔，我照鏡，變咗好老、咁肥又水腫！」身體漸康復，麗莎亦重拾最愛的歌唱事業兼養家。
歌迷求抱唔敢應
麗莎昨日在觀塘為演唱會綵排，她表示心情緊張：「喺我facebook同我傾偈嘅粉絲，我都會逐一回應佢哋，但今次有位男fans話要到時攬吓我，唯一我冇回應佢，因為到時咁多人，唔知佢喺邊。」
採訪：盧妹、張俊銘
攝影：仇志德
形象：Aman Fong
於80年代初麗莎退出歌壇，結婚生仔亦經營錄音帶工廠生意，但生意失敗，問到會否是昏睡的原因？麗莎坦言壓力很大，但昏睡卻是因醫生拒絕開藥而引發。
醫生拒開藥出事
麗莎說：「一直有食藥，但佢驚我過量，所以唔畀。我知道昏睡之後，喺個腦海講『我唔要死！』我唔放棄，為咗個家，我個仔仲咁細，我唔想白白咁死，當時喺醫院scan過晒所有嘢都冇事，點解我會起唔到身？病就係病，日日都係咁過，我完全感受到。」
從昏睡中醒來，麗莎回憶第一個感受：「你哋以為一醒就醒，其實唔係咁，我諗大概十年半左右，我就慢慢好啲好啲，日日都試吓起身，起身之後，見到個仔喺身邊，冇講啲乜嘢，我淨係諗自己係咪都會死，同埋成日都想嘔，我照鏡，變咗好老、咁肥又水腫！」身體漸康復，麗莎亦重拾最愛的歌唱事業兼養家。
歌迷求抱唔敢應
麗莎昨日在觀塘為演唱會綵排，她表示心情緊張：「喺我facebook同我傾偈嘅粉絲，我都會逐一回應佢哋，但今次有位男fans話要到時攬吓我，唯一我冇回應佢，因為到時咁多人，唔知佢喺邊。」
採訪：盧妹、張俊銘
攝影：仇志德
形象：Aman Fong
回應 (0)
