草蜢錄歌　群星獻聲

【蘋果日報】草蜢近日忙於錄演唱會主題曲《Live Goes On》，由於不少好友想合唱，決定再灌錄好友合唱版。草蜢日前於北角受訪，蔡一智指古天樂錄音之餘，還有結他伴奏，蔡一傑閨蜜伍詠薇與周汶錡都有份參與，傑仔說：「張智霖同袁詠儀都有嚟，阿靚話為免唱得太好搶風頭，所以冇錄。」蘇志威指老友葛民輝想錄，他笑說：「大家知佢把聲，我耍佢唔好唱，但耍唔到。」


日前開會為演唱會服飾揀布，阿智說：「嗰日佢哋兩個走先，我堅守到最後，朱祖兒拎咗塊英國買成四、五千蚊一碼嘅布出嚟，同我膚色好襯，最後畀咗我。」蔡一傑強調塊布原是留給他的。傑仔指在台上適當時候會騷一騷肌，阿智笑指平日都有露手露面，傑仔聞言即反擊說：「露呢啲，不要臉。」


採訪：馬建華

攝影：沈健程