冠軍孫興曾因嫌毒被捕李子奇做過ICAC調查員

【蘋果日報】「香港先生」、「亞洲先生」相信大家都會睇過，不過如果講到香港男士選美活動嘅始祖就梗係亞洲電視喺1986年舉辦嘅「電視先生競選」。眾所周知「黑仔」姜皓文就係喺第一屆「電視先生競選」得亞軍加入亞視，o依家仲打入電影圈，拍唔少電影，除咗佢之外，都仲有兩位喺圈中發展。
當時嘅冠軍就係孫興，當選之後喺亞視拍過唔少劇集，喺內地出生嘅佢仲喺90年代去台灣發展，及後又去咗大陸發展，不過佢喺2011年同莫少聰喺北京分別涉嫌吸毒和藏毒被警方拘捕。孫興近年甚少喺香港演出，最近期就只有喺15年出街嘅大台外購劇《風雲天地》入面演出。
如果講到比較熟悉嘅就可以數到李子奇，大家對佢嘅認知大部分都喺喺大台做配角，李子奇喺參選電視先生前曾經喺廉政公署擔重調查員，而佢加入亞視冇耐就移民加拿大，不過冇耐回流加入大台。