新聞類別
財經
詳情#
【蘋果日報】有人喜歡標奇立異，有人不。
有人因標奇立異，成功突圍；有人因標奇立異，搞出大頭佛。
港有月餅廣告，世界舞台有金仔。
月餅廣告事件大概無人不曉了，阿Q點看，未算太壞，起碼家下紅過人地大大酒店隻奶皇月餅啦。不過作為傳統餅家做傳統節日的推廣，也許真的無需兵行險着，千辛萬苦找來甚麼「彼岸花」，徒招人話柄，自討沒趣，唔可以怪網民挑剔，至於其後再有抄襲疑雲，更是福無重至。前者不先引起話題，後面那個未必炒作得起。
至於金仔同侵侵小學雞一樣的駡戰，就真係笑料與驚嚇兼備。
笑料係兩個國家元首，居然幼稚到我笑你「火箭佬」（Rocket Man），你反駡我「老弱殘」（dotard）；但笑還笑，驚嚇位在於兩個人都掌軍權，初則囗角，繼而可隨時一聲令下，發動戰爭，搞到世界大亂。
點解話金仔標奇立異？皆因佢鬧人個字dotard深到考起鬼佬，十個鬼佬，十個未聽過有咁嘅字，一出咗，成為網上字典熱門搜尋，家下上Google，打do已經彈出來，可見這幾天有幾多人搵。個字有幾深？哦，冇嘅，14世紀會多啲人用囉，連BBC都話多得金仔，或者應該話佢個翻譯團隊，執番個古字出來教育英語系統嘅世界，簡直春風化雨。
不過咁喎，你明明鬧緊人，突然爆個人哋唔明嘅生字，你想人哋點反應先？喂，家下係連嬲唔嬲都決定唔到，咁係咪好嘥氣呢，尤其如果真係面對面時講，對方隨時畀錯反應，尷尬到唔知點收科。
傳訊專家立即跳出來教路：第一，唔好講啲觀眾唔明嘅嘢；第二，跨文化溝通，務必加倍小心；第三，你的用字代表了你本人。除咗穴居人、有巢氏仲有人用14世紀詞語？
彭瑪莉
marypang2015@gmail.com
有人因標奇立異，成功突圍；有人因標奇立異，搞出大頭佛。
港有月餅廣告，世界舞台有金仔。
月餅廣告事件大概無人不曉了，阿Q點看，未算太壞，起碼家下紅過人地大大酒店隻奶皇月餅啦。不過作為傳統餅家做傳統節日的推廣，也許真的無需兵行險着，千辛萬苦找來甚麼「彼岸花」，徒招人話柄，自討沒趣，唔可以怪網民挑剔，至於其後再有抄襲疑雲，更是福無重至。前者不先引起話題，後面那個未必炒作得起。
至於金仔同侵侵小學雞一樣的駡戰，就真係笑料與驚嚇兼備。
笑料係兩個國家元首，居然幼稚到我笑你「火箭佬」（Rocket Man），你反駡我「老弱殘」（dotard）；但笑還笑，驚嚇位在於兩個人都掌軍權，初則囗角，繼而可隨時一聲令下，發動戰爭，搞到世界大亂。
點解話金仔標奇立異？皆因佢鬧人個字dotard深到考起鬼佬，十個鬼佬，十個未聽過有咁嘅字，一出咗，成為網上字典熱門搜尋，家下上Google，打do已經彈出來，可見這幾天有幾多人搵。個字有幾深？哦，冇嘅，14世紀會多啲人用囉，連BBC都話多得金仔，或者應該話佢個翻譯團隊，執番個古字出來教育英語系統嘅世界，簡直春風化雨。
不過咁喎，你明明鬧緊人，突然爆個人哋唔明嘅生字，你想人哋點反應先？喂，家下係連嬲唔嬲都決定唔到，咁係咪好嘥氣呢，尤其如果真係面對面時講，對方隨時畀錯反應，尷尬到唔知點收科。
傳訊專家立即跳出來教路：第一，唔好講啲觀眾唔明嘅嘢；第二，跨文化溝通，務必加倍小心；第三，你的用字代表了你本人。除咗穴居人、有巢氏仲有人用14世紀詞語？
彭瑪莉
marypang2015@gmail.com
回應 (0)
