新聞類別
娛樂
詳情#
【蘋果日報】【《蘋果》專訪】蔡少芬（Ada）近年北上搵「人仔」，繼4年前《金枝慾孽貳》後，最近回巢無綫拍攝《老表，畢業喇！》，劇集拍完，Ada終於功成身退，正式結束賓主關係。
Ada日前接受本報專訪，她說：「呢部劇集係我喺TVB最舒服嘅一部，之前拍嘅都好辛苦，真係會拍到喊，所以呢部真係甜品，喺TVB最後一部，咁仲唔圓滿，甜品都食埋，好圓滿喇！好似畀一個bonus我。你問將來有冇機會，只要我仲未息影，TVB又有角色想搵我，睇吓有冇機會合作。」
觀眾鍾意就得
自《棟篤神探》後，Ada未接拍過喜劇，有指今次她是執萬綺雯二攤，估計損失內地千萬身價，Ada也沒所謂，她說：「唔能夠比啦！待遇同工資都唔能夠比；但係我又覺得每樣嘢都有你想喺入面得到嘅嘢，當年我覺得同TVB好有感情，佢哋畀到我想要嘅嘢。你話我執二攤，我完全唔介意！有乜所謂啫，做呢行都明，就算排第7個，最緊要睇自己想唔想做，有乜所謂，我就唔信一味諗你一個。」
提到曾經於98年憑《天地豪情》奪視后，Ada信心爆棚說：「我已經係最年輕視后啦！其實有得再攞係開心嘅，係一個肯定，不過咁多年前已經肯定咗，只要觀眾覺得好睇同鍾意我，已經畀我好大激勵。」
揀老公有眼光
08年Ada跟張晉結婚，先後誕下楚兒與信兒兩女，人前人後表現恩愛，照顧囡囡無微不至，其實Ada心中佔最大位置的是信仰，第二便是老公張晉。Ada出嫁後一直被外間指女尊男卑，現在老公演藝事業高峰，衝出國際，她搞笑說：「聽到呢啲說話冇話會舒服嘅，依家證明你哋冇眼光囉，最有眼光嗰個咪就係我囉，有時有啲苦係好事嚟，令到彼此嘅根基更加堅壯，所以我哋會更加識得欣賞對方。」
採訪：羅慧敏
攝影：林德雄
髮型：BarryTran of Hair Corner
服裝提供：KRIZIA
場地提供：Porterhouse
Ada日前接受本報專訪，她說：「呢部劇集係我喺TVB最舒服嘅一部，之前拍嘅都好辛苦，真係會拍到喊，所以呢部真係甜品，喺TVB最後一部，咁仲唔圓滿，甜品都食埋，好圓滿喇！好似畀一個bonus我。你問將來有冇機會，只要我仲未息影，TVB又有角色想搵我，睇吓有冇機會合作。」
觀眾鍾意就得
自《棟篤神探》後，Ada未接拍過喜劇，有指今次她是執萬綺雯二攤，估計損失內地千萬身價，Ada也沒所謂，她說：「唔能夠比啦！待遇同工資都唔能夠比；但係我又覺得每樣嘢都有你想喺入面得到嘅嘢，當年我覺得同TVB好有感情，佢哋畀到我想要嘅嘢。你話我執二攤，我完全唔介意！有乜所謂啫，做呢行都明，就算排第7個，最緊要睇自己想唔想做，有乜所謂，我就唔信一味諗你一個。」
提到曾經於98年憑《天地豪情》奪視后，Ada信心爆棚說：「我已經係最年輕視后啦！其實有得再攞係開心嘅，係一個肯定，不過咁多年前已經肯定咗，只要觀眾覺得好睇同鍾意我，已經畀我好大激勵。」
揀老公有眼光
08年Ada跟張晉結婚，先後誕下楚兒與信兒兩女，人前人後表現恩愛，照顧囡囡無微不至，其實Ada心中佔最大位置的是信仰，第二便是老公張晉。Ada出嫁後一直被外間指女尊男卑，現在老公演藝事業高峰，衝出國際，她搞笑說：「聽到呢啲說話冇話會舒服嘅，依家證明你哋冇眼光囉，最有眼光嗰個咪就係我囉，有時有啲苦係好事嚟，令到彼此嘅根基更加堅壯，所以我哋會更加識得欣賞對方。」
採訪：羅慧敏
攝影：林德雄
髮型：BarryTran of Hair Corner
服裝提供：KRIZIA
場地提供：Porterhouse
回應 (0)
