32D「巨咪」不見了周秀娜親自解釋...

【蘋果日報】周秀娜（Chrissie）最近去峇里島度假，日前喺網上上載釣魚相，佢着住一件荷葉邊泳衣，呢款泳衣出名適合小胸部女士穿上，早前阿Sa(蔡卓妍)都有着住騷吓身材。但娜姐初出道時以32D突圍，但近年瘦到縮晒水，連巨咪都不見了。唔少網民見到娜姐嘅身材都議論紛紛，話佢O依家太瘦，瘦到見骨，擔心佢身體出咗事。
昨日娜姐就喺微博透露身體冇事，只係早前為拍戲先減磅，而且食得好清淡，佢話﹕「前段時間為了拍戲才辛苦減重，現在被大家嫌太瘦……想想那些吃草的日子，好憂～做個演員不容易，我還是繼續釣我的魚吧～#峇里島休假#你們說我是不是太瘦了!」有網民留言叫佢要趁呢個trip食多啲，要有多啲肉肥啲先好睇。