新聞類別
財經
詳情#
【蘋果日報】啱啱過去嘅星期日「9.24」，係中銀香港（2388）百年行慶「正日」，為咗與民同樂兼賀行慶，中銀免費招待近1.3萬名員工去迪士尼暢遊，聽講每名員工可獲贈兩張免費入場券，同家人共聚天倫兼包圍米奇米尼合照！
呢個名為「慶祝中銀香港百年華誕員工及家屬嘉年華」活動，據聞行方高層都有出席，夠晒熱鬧。中銀行樂之餘亦行善，除員工及家屬，行方亦邀請多間社福機構人士同樂，故參加人數多達2.8萬人。
另外，中銀亦請咗900多位嚟自新家園協會之新來港人士、東華三院同保良局長者，實行「老友記」同大細朋友一齊玩餐飽。
中銀每年都會舉辦一次大型員工同樂日，前年去海洋公園，舊年亦係迪士尼，今年撞啱行慶同一日搞，規模自然大好多。
其實中銀早於7月初，已喺會展舉行咗隆重嘅百年行慶開啟禮──「中銀香港百年華誕慶祝大會」，當晚仲有特首林鄭同兩位前特首──董伯伯及CY，組成三星拱照賀中銀㖭，所以正日就唔會再有官方慶典嘞。
玩完迪士尼，焦點會落番喺傳聞「9.28」開售嘅中銀100周年紀念鈔，發售數量同鈔面設計如何，再睇吓有冇炒賣價值！
李華華
LiWaWa@AppleDaily.com
呢個名為「慶祝中銀香港百年華誕員工及家屬嘉年華」活動，據聞行方高層都有出席，夠晒熱鬧。中銀行樂之餘亦行善，除員工及家屬，行方亦邀請多間社福機構人士同樂，故參加人數多達2.8萬人。
另外，中銀亦請咗900多位嚟自新家園協會之新來港人士、東華三院同保良局長者，實行「老友記」同大細朋友一齊玩餐飽。
中銀每年都會舉辦一次大型員工同樂日，前年去海洋公園，舊年亦係迪士尼，今年撞啱行慶同一日搞，規模自然大好多。
其實中銀早於7月初，已喺會展舉行咗隆重嘅百年行慶開啟禮──「中銀香港百年華誕慶祝大會」，當晚仲有特首林鄭同兩位前特首──董伯伯及CY，組成三星拱照賀中銀㖭，所以正日就唔會再有官方慶典嘞。
玩完迪士尼，焦點會落番喺傳聞「9.28」開售嘅中銀100周年紀念鈔，發售數量同鈔面設計如何，再睇吓有冇炒賣價值！
李華華
LiWaWa@AppleDaily.com
回應 (0)
